رأي مفاجئ لـ محمد صبحي عن كورونا: مقصود إن العالم يخلص من ثلث سكانه (فيديو)
قال الفنان محمد صبحي، اليوم الأربعاء، إنه مؤمن بنظرية المؤامرة فيما يسمى بـ"جائحة" فيروس كورونا المستجد في العالم، متابعا: "مقصود إن العالم يخلص من ثلث سكانه".
أضاف صبحي، خلال مداخلة لبرنامج "90 دقيقة" عبر فضائية "المحور": "آراء كثيرة انتشرت في العالم حول كورونا قبل تفشيها، أنتوني فاوتشي المستشار الصحي للرئيس الأمريكي تحدث عن كورونا منذ 3 سنوات، وهو برضو اللي قال في فيروس جاي لإفريقيا وطلع الدواء بتاعه قبل ما نعرف الإيبولا، وبيل جيتس اتكلم في 2017 عن وباء مرعب قادم".
اقرأ أيضا| محمد صبحي: تنمية مصر في 6 سنوات لا يمكن إنجازها في عصور (فيديو)
تابع: "الكورونا بقت وباء عالمي، ولكن الدول الصغيرة أنت ملخبطها، كل شوية ده فيروس، لا ده مش فيروس، لا ده إنفلونزا عادية، لا بلاش اللمس، لا اللمس مهم، يا إخوانا لازم ناخد بالنا من الرسائل اللي بتجيلنا".
استكمل: "للأسف مكنش في حركة وعي، ودي مشكلة المثقفين والإعلام، وعشان كده أنا بقول إن الكورونا قيمتها إنها تخلي هرم المجتمع يرجع تاني يتظبط، ويكون على قمته العالم، والباحث، والمعلم، والطبيب، إحنا هنواجه مشكلة صحية أكبر وهي تحور الفيروس زي ما حصل مع فيروسات كتير قبل كده، لازم نصحى كويس أوي".
