بعد رسالته لرمضان صبحي| هاشتاج بيومي فؤاد يتصدر تويتر.. ومتابعون: مضحكناش بالشكل ده قبل كدة (فيديو)

تصدر هاشتاج بيومي فؤاد تريند موقع "تويتر"، بعد توجيهه رسالة قوية للاعب رمضان صبحي نجم منتخب مصر الأولمبي، بعد إعلان الأهلي، رغبة اللاعب في عدم الانضمام للفريق الأحمر، والانتقال لبيراميدز، وذلك خلال مشاركته في الاحتفالية الخاصة بافتتاح استاد النادي الأهلي كمعلق صوتي للمبارة الاحتفالية.

وتحدث النجم الكوميدي، خلال تعليقه على المباراة، لخبر رحيل رمضان صبحي عن النادي الأهلي وتوقيعه لنادي بيراميدز، حيث قال مباركًا لنجم منتخب مصر الأولمبي: "رمضان صبحي يا جماعة مش معانا، رمضان صبحي في نادي بيراميدز، ألف مبروك يا رمضان وربنا يوفقك، وبجد يا ابني والله العظيم ربنا يوفقك".

 

وتابع بيومي فؤاد موجهًا رسالة لرمضان صبحي: "عاوز أقولك وأقول لكل الأهلاوية وجمهور الأهلي محدش يزعل ومحدش يخاف مبتقفش على حد، حد ينسى عصام الحضري كانت وقفت عليه".

وواصل بيومي فؤاد: "عاوز أقول أن بعد كل المفاوضات وبقالنا شهور وأيام مع النادي الإنجليزي مشي في دقيقة، عاوز أمشي مع ألف سلامة، ودي للكل مع ألف مليون سلامة مبتقفش على حد".

 

تعليقات الجمهور على حديث بيومي فؤاد عن رمضان صبحي

وتصدر هاشتاج بيومي فؤاد الأكثر تداولًا عبر تويتر خلال الساعات الماضية، وجاءت تعليقات الجمهور كالتالي "‏بيومى فؤاد لرمضان صبحى : الأهلي مش بيوقف على حد ومع الف ميلون سلامة"، بيومي فؤاد : مبروك يابني انتقالك لبيراميدز بس عايز أقولك إنها عمرها ما وقفت على حد".

وعلق آخرون: "شابو لاختيار بيومى فؤاد، تعليق عسل وربنا وأهداف عالمية غاية في الروعة احتفال جميل بكل تفاصيله"، أحلى جملة بيومي فؤاد قالها النهاردة عمرها ما بتقف على حد يابني"، "مبروك لرمضان صبحي انتقاله لبيراميدز اتمنالك كل توفيق .. بس مبتوقفش على حد يابني كان زمانها وقفت على الحضري في عز مجده"، حرفيا بيومي فؤاد طلع معلق عظمة والماتش دا في قلبي أوي وعظمة جامد".

اقرأ أيضًا: أحمد فلوكس: ”مشتمتش هاني شاكر”

 

وعلقت آخرى: "أنا عايزة بيومي فؤاد يكمل معانا الدوري المصري وخصوصًا ماتشات الزمالك هنضحك ضحك"، "‏والله الواحد مضحكش الضحك ده قبل كده أحلى تحية للي اختار بيومي فؤاد معلق للمباراة"، "بيومي فؤاد ايه انتو مفيش فايدة فيكو، فوق ياخطيب فوق".

 

بيومي فؤاد بعد الاحتفالية

وعلق بيومي فؤاد على مشاركته في الاحتفالية الخاصة بافتتاح استاد النادي الأهلي، من خلال منشور عبر حسابه بموقع "إنستجرام"، كاتبًا: "سعيد جدا بالمشاركة في افتتاح استاد النادي الاهلي وأتمنى التعليق يكون عجبكم".