”بعد 3 مرات طلاق مينفعش نكمل”.. محمد رشاد يعلن انفصاله رسميا عن مي حلمي
فاجئ الفنان محمد رشاد جمهوره ومتابعيه بتفاصيل جديدة وصادمة حول انفصاله وطلاقه من المذيعة مي حلمي بعد تداول أنباء عن طلاقهما الذي أكده محمد رشاد، ولكن مي حلمي أوضحت جهلها للأمر ومعرفته من خلال السوشيال ميديا.
وكتب محمد رشاد عبر صفحته الرسمية بموقع تبادل الصور والفيديوهات "انستجرام": "قبل أي شئ بسم الله الرحمن الرحيم.. الطلاق مرتان فإمساك بمعروف أو تسريح بإحسان.. صدق الله العظيم".
وأضاف: "الآية الكريمة دي بتلخص تفاصيل كتير مش هدخل فيها لأنها تخصني وتخص طرف ثاني كان في يوم جزء من حياتي.. وبعد 3 مرات طلاق أكيد مينفعش نكمل وكأنه محصلش".
وتابع كلامه: "أنا بطلب من كل الناس سواء بتحبني أو لا بتابعني أو متعرفنيش أصلًا إنهم يعدوا الموضوع كأنه مجاش قدامهم لإني مهما شفت من تعليقات سخيفة أو كويسة أو حتى هجوم من حد مش هتكلم عن تفاصيل زواجي سواء بالحلو أو الوحش وفالأول والأخر ياريت نراعي إن البنت بتتأثر بالكلمة الوحشة قبل الحلوة".
اقرأ أيضًا: مي حلمي تكشف مفاجأة حول انفصالها عن محمد رشاد: عرفت من السوشيال ميديا
وقال محمد رشاد أيضًا: "قضينا أيام منها الحلو ومنها اللي مش حلو وكل شئ نصيب وقدر من ربنا وبتمنى كل الخير والسعادة للناس ولإنسانة طيبة وليها مكانة في قلبي والنصيب والعشرة انتهت لحد هنا.. وده هيكون آخر حاجة ممكن أقولها بخصوص الموضوع ده".
وعلق قائلًا: "أتمني تقروا و تفهموا الكلام كويس و تنفذوه من فضلكم .. كل شيء نصيب و الكلمة الطيبة قدرها كبير عند الله و في قلوب الناس".
