دينا الشربيني تتصدر التريند بسبب عمرو أديب.. وفيديو الحديد يثير ضجة

تصدر اسم الفنانة دينا الشربيني، مؤشرات البحث على جوجل، بسبب تعليق الإعلامي عمرو أديب، على فيديو نشرته عبر حسابها على موقع تبادل الفيديوهات والصور "انستجرام"، وظهرت خلاله وهي تمارس تمرينًا قاسيا حيث كانت تلعب رياضة حمل الأثقال.

ومازح عمرو أديب، دينا الشربيني والنجم عمرو دياب، خلال تقديمه برنامج الحكاية في حلقة السبت، عبر قناة "mbc مصر" حيث قال: "حاجة فظيعة جدًا، صحة بتفط منها، البنت كلها صحة، تفصل 10 ستات بصحتها، مش ممكن إيه ده؟!".

وأضاف أديب: "لو أشيل الحِمل ده، بيكون ربعه من ناحية وربعه من ناحية تانية، وخاصة لما بتنطر الحديد، حاجة تخوف، الله يكون في عونك يا هضبة، الله يكون في عونك يا عمرو".

واسترسل بسخرية ومزاح: "بص الصحة عاملة ازاي؟! ايه يا جماعة ده؟! لو حاولت أشيل ربع التقل ده مش هعرف أعمله، ناس بقى لسه صغيرة وصحتها كويسة، وبعدين دي كاتبة إنها لسه راجعة يعني لسه بتسخن، أومال قبل كده كنتِ بتشيلي إيه، بتشيلي الهرم .. صحة مفرطة جامدة جدا".

وواصل عمرو أديب مزاحهه قائلًا: "الفيديو ده عقدني شخصيًا، شفته وقلت أنا ناقص؟! مش كفاية فلان، ألاقي فلانة؟!، دينا بتلعب رياضة"، مضيفًا: "لما حد قالي على الفيديو، قلت يمكن بتنط الحبل أو بتعمل يوجا، لكني فوجئت بوحش يا باشا، اتفرج على الست بتعمل إيه؟!، مصدقتش إنها هي دي بطلة مصر في رفع الأثقال".

اقرأ أيضًا: يصوم رمضان ويذبح الأضحية.. المنتصر بالله مسيحي الديانة ولم يعرف أصدقائه

أحدث أعمال دينا الشربيني

وتواصل دينا الشربينى تصوير مشاهدها في فيلم "ثانية واحدة"، الذى يخرجه أكرم فريد، ويشارك فى بطولته مصطفى خاطر، محمود حميدة سوسن بدر، ويزو ، علا رشدى وغيرهم، وتدور أحداثه فى إطار اجتماعي لايت.