كل حاجة بالنص.. سلوى تطلب الخلع وتؤكد: جوزي بخيل

"عاوزني أشتغل وأساعد في مصروف البيت، بيقولي كل حاجة بالنص، مبيعرفش يعمل حاجة وفاشل"، بررت سلوى بتلك الكلمات طلبها للخلع أمام محكمة الأسرة بالشرقية، بعدما استحالت العشرة بينها وبين زوجها، بسبب إجبارها بعد الزواج على المشاركة معه فى كل شىء مقابل مساعدة الزوج فى شغل البيت معها.

قبل الزواج كان شخصا كريما، لا يقبل بأن تدفع شيئا، وإن اشتريت له هدية يعيطيها أموالا مقابل ذلك، أغرقها بالكلام المعسول، ولكن بعد أن جمعهم بيت واحد تغير فجأة "رجعنا من شهر العسل كويسين، طلب نتكلم شوية ومسك ورقة وقلم، وبدأ يرسم خطة لحياتنا، وقرر إن كل حاجة بينا تكون بالنص، كل واحد يدفع نص مرتبه، وفي المقابل شغل البيت وتربية الأولاد هتكون بالنص، وقالي إنه بيطبق نظرية الإنجليز زي بلاد أوروبا".

الزوجة صرخت وأكدت أن زوجها مجرد فاشل لا يستطيع فعل شيء، فطهيه لا يكون له طعم، وتنضيف المنزل يكون سيئا جدا، "كل ما يعمل حاجة لازم أقوم أصلحها وراه، لحد ما اكتشفت إني بعمل كل حاجة في البيت وكمان بدفع فلوس زيه، وقررت إنه مينفعش زوج أنا مسئولة منه ولازم يتكفل بيا، وقررت إني مش هكمل معاه حياتي، وهربت لمحكمة الأسرة تخلصني منه".

اقرأ أيضا: التحريات تكشف هوية جناة واقعة فتاة المعادي.. ”مسجلين خطر وحرامية”