بعد إصابتها بكورونا.. ميس حمدان لـ”الطريق”: ”روحنا المهرجان بمزاجنا ومعرفش اتصابت فيه ولا قبله”
أكدت الفنانة ميس حمدان، خبر إصابتها بفيروس كورونا منذ فترة، وحالياً في نهاية فترة العزل، وسوف تجري غداً مسحة جديدة على أمل تكون النتيجة أصبحت سلبية.
إصابة ميس حمدان بفيروس كورونا
وقالت ميس حمدان في تصريح خاص لـ "الطريق": "أنا بخلص الكورونا مش في أولها، بس أنا مبحبش أقول عشان احنا بنشارك مع الناس الحاجات اللي تفرحهم إنما ننكد عليهم ليه، أنا قلت لكل الناس اللي حواليا واتعاملت معاهم، وإن شاء الله بكرة هعمل مسحة ويارب تكون سلبية عشان نخلص من القصة ديه".
رد ميس حمدان على إنتقاد مهرجان الجونة
وردت حمدان على انتقاد القائمين بمهرجان الجونة السينمائي، بعد إصابة العديد من النجوم فيه، قائلة: "أنا معرفش اتصابت في المهرجان ولا من قبله، عشان الناس اللي عايزين يدبسوا المهرجان، هما الناس مأجبروناش إننا ننزل نروح المهرجان غصب عننا، احنا روحنا بمزاجنا، ولو حاجة حصلت أكيد باستهتار مني".
وتابعت: "كورونا ممكن تجيلنا من أي حاجة سواء تاكسي أو سوبر ماركت، أنا أعرف ناس كتير خارج الوسط الفني عندهم، الناس عمالة تدعي علينا على السوشيال ميديا وحاجة تقرف، مش عارفة الناس اتجننت ولا إيه".
واختتمت: "أنا لم أدافع عن مهرجان الجونة، ولكن ليه نربط الكورونا بالمهرجان، أنا مش فاهمة ما الأعداد متزايدة بكل الأماكن، مش بس في المهرجان، ربنا يعديها على خير، وأنا الحمدلله في تحسن وربنا يكرمني والمسحة تطلع سلبية، وأرجع لحياتي الطبيعية ولكن بحذر لأن المرض بيبقى تعبه وحش".
اقرأ أيضا.. إصابة ميس حمدان بفيروس كورونا
يُشار إلى أن عدد من حضور مهرجان الجونة أعلنوا مؤخرًا إصابتهم بفيروس كورونا عقب عودتهم للقاهرة، منهم بسمة، سارة عبد الرحمن، زينب غريب، الاستايلست ريم العدل، والناقد مجدي الطيب.
