هنادى مهنى تكشف: ”عزمت عمر كمال وبيكا وشاكوش من ورا بابا” (فيديو)
كشفت الفنانة هنادى مهنى، حقيقة حضور مطربي المهرجانات عمر كمال وحمو بيكا وحسن شاكوش، حفل زفافها بالفنان أحمد خالد صالح، مؤكدة أنها هي من عزمتهم دون علم والدها الموسيقار هاني مهنى.
وشاركت هنادي مهنى جمهورها ومتابعيها، بمقطع فيديو لها عبر خاصية استورى، على حسابها الشخصي بموقع تبادل الصور والفيديوهات الشهير إنستجرام.
وقالت هنادى: "أنا اللي عزمت عمر كمال وحمو بيكا وحسن شاكوش على الفرح، عشان هما محبوبين جدًا وشرفونا ونوروا الفرح وبابا مكنش يعرف أنهم جايين وهم ناجحين جدًا ومبسوطة أنكم حضرتوا وأنا اللى كلمتهم بنفسى وعزمتهم وكفاية لأن الموضوع خد أكبر من حجمه".
وكان الموسيقار هاني مهنى، قال في تصريح خاص لـ"الطريق": "أنا معزمتش حد فيهم، اللي حصل أن "الويدنج بلانر" كلم عمر كمال من ورانا، وكان عامل مفاجأة أنه يجي هو ومصطفى حجاج في آخر الفرح".
اقرأ أيضا.. هاني مهنى يكشف لـ”الطريق” سبب حضور عمر كمال وشاكوش وبيكا فرح هنادي
وأضاف: "اللي حصل إن عمر كمال جاب حمو بيكا وحسن شاكوش معاه، من غير ما حد يقوله، طبعا ده عبط لأن أنا معزمتهومش".
