”اتهورت عشان بحبك”.. بسمة بوسيل تعلن تصالحها مع تامر حسني

أعلنت الفنانة المغربية المعتزلة بسمة بوسيل، تصالحها مع زوجها النجم تامر حسني، بعد رسالته الأخيرة وتأكيده حبه لها.

وردت بسمة بوسيل، على رسالة زوجها تامر حسني، عبر خاصية الاستوري الخاصة بحسابها الشخصي بموقع تبادل الصور والفيديوهات الشهير إنستجرام.

وكتبت له: "فعلا اتهورت، بس عشان بحبك، تامر حسني سوري".

وكان الفنان تامر حسني، وجه رسالة لزوجته الفنانة المغربية من خلال خاصية الأستوري عبر حسابه بموقع "إنستجرام"، "بسمة حبيبي للأسف أنتي مفكرتيش وسلمتي ودنك لشر السوشيال ميديا علشان كام تعليق كلامهم فارغ نسوكي إنك عرفتيني وأنا مشهور ودي طبيعة شغلي اللي عرفتني وحبتيني بيها".

وتابع: "إزاي وصلوكي للزعل والبعد فترة المهم إني مش هزعل منك ولا يرضيني زعلك إنتي حبيبي وأم ولادي أنا في ظهرك وسندك مهما حصل بس اللي عاوزو اقوله لعل نكون سبب خير في توعية ناس كتير، ليه لما أي حد بيزعل من حد بيطلع يكتب عليه في السوشيال ميديا طب حتى يكلمه الأول".

اقرأ أيضا.. ”ما يرضينيش زعلك يا متهورة”.. تامر حسني يصالح بسمة بوسيل ويكشف سر الخلاف

واصل: "ايه علاقة الناس بمشكلة شخصية بين اتنين ممكن تتحل بالتليفون أو في زيارة رحيمة بينهم وياريتها مشكلة اصلا ربنا جعل بينا مودة ورحمة علشان كدة للاسف انتي عارفة إن في ناس طبيعتهم خراب البيوت ومش هنخلص منهم بس انتي اللي هتخلص من فكرة انك هتسمعيهم مع انك مكنتش كده".