بعد أيام من الاعتزال والحجاب.. مي فخري تكشف تفاصيل جديدة

تحدثت الفنانة المعتزلة ​مي فخري عن تفاصيل اعتزالها الفن والسبب الحقيقي وراء ارتدائها الحجاب وابتعادها عن التمثيل.

وقالت في مقطع فيديو نشرته عبر صفحتها الرسمية بموقع تبادل الصور والفيديوهات "انستجرام": "بعيدا عن الناحية الدينية تمامًا ومش هندخل فيها.. هتكلم بشكل منطقي الحمد لله ربنا أتم خلقي كاملة ومعنديش مشكلة وأداني نعم كتير مش عارفة أقول إيه ولا إيه".

وتابعت: "وهو أداني أنا النعم مش عشان الناس تتبسط بيها وهى نعم حبيت أحافظ عليها ودلوقتى أنا في حال أفضل بكثير وأشعر بالراحة.. وعندي إحساس إني أحسن، ومش متقيدة خالص أو أن شكلي مش حلو بالعكس مبسوطة أكتر من الأول بكتير وبلبس كل اللي أنا عاوزه بشكل محتشم ويليق مع الحجاب".

وأضافت مي فخري خلال الفيديو: "بقيت أحسن نفسيًا وبخرج في الشارع أحسن ومفيش حد بيبص عليا النظرة اللي كل البنات عارفاها ويبقى نفسها الأرض تتشق وتبلعك.. الحمد لله مبقاش يحصل ومش بأخذ ذنب ناس مش قادرة تبص في الأرض أو مش قادرة تغض بصرها".

وأكملت: "مبقاش يتبص عليا ومبقتش أتضايق لما أخرج كل حاجة بقت أحسن.. ربنا اداني نعم وأنا بحافظ عليها".

اقرأ أيضًا: بالتزامن مع عرض فيلمها.. نجوى نجار تحتفل بطرح ”بين الجنة والأرض”

ويذكر أن الفنانة مى أعلنت ارتدائها الحجاب واعتزالها الفن في شهر سبتمبر الماضي، وحذفت كل صورها عبر صفحتها الرسمية بموقع تبادل الصور والفيديوهات "إنستجرام" وبدأت بعدها تنشر فيديوهات ترتدي فيها الحجاب بجانب أدعية دينية.

وكانت آخر أعمال الفنانة المعتزلة مشاركتها في فيلم "دماغ شيطان" برفقة الفنانة رانيا يوسف وباسم سمرة وآخرين.