عارفة عبد الرسول: حضرت ”حظر تجول” لأن جبر الخاطر مهم .. و”نفسنت” من إلهام شاهين
أشادت الفنانة الكبيرة عارفة عبد الرسول، بفيلم "حظر تجول"، ومخرج العمل أمير رمسيس وبطلته إلهام شاهين، والفنانة أمينة خليل وأحمد مجدي والفنانين المشاركين في الفيلم، والذي يشارك بالمسابقة الدولية في مهرجان القاهرة السينمائي بدورته الـ42، وذلك عبر حسابها الخاص بموقع التواصل الاجتماعي "فيسبوك".
وكتبت عارفة عبد الرسول: "طلعت من التصوير على الأوبرا بعبلي كدة، عشان أحضر فيلم حظر تجول، لأني محضرتوش في الافتتاح، بصراحة أنا كنت تعبانة قوي ومش مهتمة أشوفه، يعني ينفع أشوفه بعدين ماحبكش، بس روحت عشان خاطر أمير رمسيس ما يزعلش مني، وأهو برضه جبر الخواطر مهم".
وأضافت: "استقبلني بحفاوة وإداني دعوتي ودخلت قعدت واستأذن هو يجيب باقي ضيوفه، واحدة ورايا بتقول، بيهتموا قوي بالكورونا وراشين حاجات، ويتش اذ يحترم، كل كلامها كده سحلت دماغي، ماشوفتش أمير بعد كدة وبدأ الفيلم، نسيت كل حاجة وروحت في دنيا تانية، ولقيت نفسي بابكي بحرقة في مناطق وفي مناطق تانية بضحك".
وتابعت: "منتهى الشاعرية والإحساس والجمال فعلا نسيت الدنيا، خلص الفيلم لقيت أمير بيبصلي، قولتله ايه الحلاوة دي أنا نفسنت على إلهام شاهين، ايه الإحساس ده، صدقتها قوي حتى في أبسط الجمل، حلاوتها وهي بتقول اللقا نصيب".
اقرأ أيضًا: ريهام حجاج تثير الجدل بصورة مع زوجها ”تحت البطانية”
وانهت حديثها كاتبة: "أمينة خليل مرعبة بشخصيتها المركبة دي، التايهة بين الحب والكراهية، أحمد مجدي اللذيذ واللي كل واحدة تتمنى زوج زيه، الليثي ودمه الشربات، ولا ديشه حتى الممرضات، كانوا أخر جمال أنا سلمت على إلهام، بس ماخدتش بالها مني من الكمامة والزحمة اللي حواليها، ونفسي يوصلها تقديري وإعجابي الشديد، شكرا أمير رمسيس، غيرت مودي وشقلبت حالي.. شكرا".
