تحذير جديد من أيمن بهجت قمر حول كورونا.. والجمهور: ”بنحب نعمل الواجب”
حرص الشاعر والسيناريست أيمن بهجت قمر، على توجيه نصيحة للأشخاص الذين توفى بعض أفراد أسرهم متأثرين بإصابتهم بفيروس كورونا المستجد، حيث نصح بضرورة عدم ذكر سبب الوفاة حتى لا يثيروا الرعب في نفوس المصابين.
وكتب بهجت قمر من خلال منشور له عبر حسابه الخاص بموقع التدوينات القصيرة "تويتر" : "ياريت لما حد يتوفى من الكورونا محدش يكتب السبب لأن ده بيخوف الناس وبالذات الناس اللي عينتهم إيجابية الأخبار دي بتتعبهم وهما مش ناقصين".
وواصل: "إنك تقول إنك إيجابي أتفهم ده.. لكن إيه اللي هيفيد لما الناس تنشر إن سبب الوفاه كورونا؟! أرجوكوا بلاش تفزعونا.. ربنا يرحم جميع أمواتنا".
واختلف معه المتابعون، حيث رأوا ضرورة ذكر سبب الوفاة حتى يأخذ الجميع حذرهم، وجاءت أبرز التعليقات كالتالي: "اختلف مع حضرتك، ده مهم جدا عشان بعض الناس تخاف شوية وتحاول تاخد حذرها في موجة الاستهانة الرهيبة بالالتزام بقواعد التباعد علي كل المستويات مع موجه قوية جدا"، "ماينفعش احنا شعب بيحب يعمل الواجب ومن غير مايعمل احتياطات لازم يخوفوهم عشان حتى يبطلوا يعملوا عزا وأفراح وتجمعات".
اقرأ أيضًا: ”بيبي دول”.. ميرهان حسين تشعل السوشيال ميديا بإطلالة مثيرة وتغلق تعليقات الجمهور (صور)
وعلق آخرون كالتالي: "لا ما هو الناس لو معرفتش ان ده مرض خطير وبيموت مش هتاخد اجراءات الوقاية ولا هيحسوا بالخطر اللي هما فيه"، "الناس لازم تفهم عشان الوضع في مصر بقى مخزي والمسئولين بقوا ودن من طين وودن من عجين! الكورونا عازفة سيمفونية وصلت لكل شارع وكل حارة وقريبا كل بيت والوفيات بتضرب أرقام قياسية عشان الحكومة قررت تتجاهل، الاعتراف والمصارحة بداية الإحساس بالمسئولية".
