”ليه بنجيب اسم عمرو دياب في جملة مفيدة”.. تامر حسين معلقًا على أزمة رامي صبري وعزيز الشافعي
حرص الشاعر الغنائي تامر حسين على توجيه الدعم لـ الملحن عزيز الشافعي، بعد الهجوم الذي لحق به من المطرب رامي صبري، الذي اتهمه بخيانة الأمانة للمرة الثانية.
ووجه تامر حسين رسالة شديدة اللهجة للنجم رامي صبري، يطلب منه عدم ذكر اسم الهضبة عمرو دياب في جملة مفيدة.
اقرأ أيضا: أول تعليق من عزيز الشافعي على هجوم رامي صبري: ”أنا من طلب وقف التعامل أولًا”
وكتب تامر حسين في منشور له عبر صفحته على حسابه الشخصي على موقع التواصل الاجتماعي "فيس بوك"، موجهة لرامي صبري، قال فيها: "ردًا على شكرًا والمُهاترات اللي بسمعها، أولاً ليه بنجيب وبنقحم دايماً اسم عمرو دياب في جملة مفيدة ليه؟ إيه الغرض؟".
وأضاف حسين: "ثانيًا، توقيت البوست لما الأغنية انتشرت وكسرت الدنيا بالتفاعل وإقبال الناس عليها والإشادة بيها يعني ليه الكلام ده مكنش في أول يوم مثلاً؟ ده لو كان الكلام فعلا على حق، ثالثاً، اللي اتعلمته ومن أدبيات المهنة، عشان الناس كلها تفهمه فكرة الذوقيات يعنى إيه؟ يعني نبارك ونهني بعض، مش نتهم الناس بالباطل في عز نجاحهم".
وتابع كلامه قائلا: "المفروض من أي مطرب في الدنيا بتعجبه أغنية المؤلف والملحن بيعملوا تنازل عنها، أدام ما حصلتش الخطوة دي من زمان تبقى الأغنية ملك الشاعر والملحن لحين اختيار الأفضل".
ممكن جدا تسمع مطرب زميل أغنية من سنة سنتين، وعشان ضعفها الفني متخيلش نجاحها ده اللي بيفرق مطرب عن مُطرب في سُرعة اتخاذ القرار".
المُلحن تامر حسين يدافع عن الشاعر عزيز الشافعي
وعن موقف المُلحن عزيز الشافعي، قال تامر حسين: "أنا شايف أن في تجني على حق المُلحن عزيز الشافعي أدبياً ومعنوياً دي شهادة حق ومش شايف تماماً أي داعي يسمح بالكلام والصراعات دي".
وأضاف تامر: "للمرة المليون الناس المُحترمة ما توضحش مشاكلها قدام الناس كلها عيب، لأن في خصوصيات ما يصحش ندخل الجمهور فيها، ونتهم ناس محترمة بالباطل أكيد مش هنزل فويس نوت نستشهِد بيها واحنا أصحاب الحق، وربنا يهدي".
واختتم حديثة قائلا: "الناس ياما سمعت أغاني من سنة وسنتين وما كانش ليهم حظ فيها، وراحت لحد تاني ما عملهوش اللي بيتعمل ده لما الأغنية تنجح، بالعكس بيفرحو وبيتمنو إنها تكون أغنيتهم بكل حُب وتقدير وروح حلوة".
