”الوضع خطر جدا”.. فيفي عبده تكشف حقيقة دخولها العناية المركزة وتستنجد بمساعدي وائل الإبراشي

شاركت الفنانة فيفي عبده متابعيها وجمهورها بنشرها مقطع فيديو جديد كشفت خلاله عن حقيقة إصابتها بفيروس كورونا بجانب حالة الإعلامي وائل الإبراشي الصحية التي أصبحت تثير ضجة بين الناس.

وقالت فيفي عبده في الفيديو الذي نشرته عبر صفحتها الرسمية بموقع تبادل الصور والفيديوهات "انستجرام": "معنديش كورونا عشان كنت محافظة علي نفسي.. لكن حالتي الصحية ووجع رجلي منعني من النزول من البيت".

وأضافت: "عشان كدة مروحتش ولا مهرجان ولا فرح، ولا زورت ميت ولا صاحي.. ربنا هو عالم بحالي وحماني من كورونا.. وأنا طالعة دلوقتي بطمن جمهوري بشكل رسمي علي حالتي وبحمد ربنا على كل اللي يجبهولي كمان بشكر كل اللي سأل عني وأنا عيانة".

وفيما يخص أنباء دخولها العناية المركزة وارتدائها الحجاب، قالت: "عايزة أقولكم أنا لابسة كده من البرد على فكرة عشان تبطلو الإشاعات.. بسم الله ما شاء الله.. الله أكبر خمسة وخميسة عليكي يا فوفو.. آه والله العمر مش بعزقة.. أنا جاية أرد على اللي بيقول إني في الإنعاش بعد الشر عليا إن شاء الله اللي يكرهني.

اقرأ أيضًا: ”شربت المقلب”.. نرمين الفقي تفاجئ الجمهور من كواليس برنامج رامز جلال الجديد

واستنجدت الفنانة الشهيرة أيضًا بمساعدي الإعلامي وائل الإبراشي للرد عليها وطمأنتها علي حالته، وقالت في الفيديو على صفحتها: "عايزة أطمن علي وائل الإبراشي وبكلم المساعدين محدش بيرد عليا.. طمنوني".

وحرصت على توجيه رسالة لمتابعيها وجمهورها وقالت: "بوجه رسالة لكل الشباب المتهور اللي مش بيسمع الكلام وبيفتكر الموضوع بسيط.. خلو بالكم من نفسكم الموضوع بقى خطر جدًا.. وأنا لما كنت بضحك علي كورونا مكنتش أعرف إنه بالصعوبة دي.. الله يرحم كل اللي توفوا من زمايلي أو غيرهم، وكل اللي في المستشفى يقوموا بالسلامة".