مهند حسني عن شخصية ”حماد” في ”الطاووس”: مستحيل اتعاطف مع مغتصب
أكد الفنان محمد حسني الذي يجسد دور "حماد" في مسلسل "الطاووس" بطولة الفنان جمال سليمان وسهر الصايغ، الذي يعرض خلال مارثون دراما رمضان أن الاغتصاب جريمة ليس لها مبرر مؤكدًا رفضه للشخصية التي يجسدها وعدم تعاطفه معها نهائيًا.
وكتب مهند في منشور له عبر حسابه الخاص بموقع "فيس بوك": "الاغتصاب جريمة مالهاش مبرر.. وأنا شخصيًا ضد شخصية حمّاد اللي بظهر بيها في رمضان السنة دي في مسلسل الطاووس"، مضيفًا: "وبالمناسبة أنا عمري لا اتعاطف ولا هتعاطف معاه، وعلى اقتناع تام إن شكل وهيئة المتحرش والمغتصب ومستواه المادي والاجتماعي مش ممكن أبدًا يكونوا حاجة نتعاطف بيها معاهم".
وأوضح: "أنا بعمل شير لكل آراء الناس المتابعة والمتفاعلة مع المسلسل "كل الآراء"سواء سلبية فيها دعاوي وحسبنه عليا وشتايم ليا، وبرضه الإيجابية اللي فيها كلام حلو بكل أشكاله، واللي يعرفني كويس أو متابعني من زمان هيلاقينى دايما بعمل كده".
وواصل: "وده مش معناه إن مؤيد لكل الكلام اللي بعمله شير، وده بردو مش معناه إني بشجع الناس تستهين بالموضوع لمجرد إن شخصية حماد المغتصب ده شكله وسيم أنا بعمل شير لمشاركة نجاح الدور مع الناس كعادتي ليس إلا، واللي وصل للبعض غير مقصود تمامًا، واللي كنت بحاول اعمله إني أحاول اتفاعل مع جمهور المسلسل اللي يشجعوني أو بيقولوا كلام كويس أو كلام مش كويس بإني اهتم بكلامهم مش أكتر".
وأنهى مهند حسني حديثه كاتبًا: "واخيرًا الشخصيات اللي زي حمّاد ده ماينفعش اننا نتعاطف معها لأي سبب مهما كان".
مسلسل "الطاووس" أثار ضجة كبيرة بعد عرض أولى حلقاته بسبب تناول العمل لقضية حساسة عن الاغتصاب، وهو من بطولة جمال سليمان، سيدة المسرح العربي سميحة أيوب، سهر الصايغ، أحمد فؤاد سليم، هبة عبد الغني، مها نصار، سيناريو وحوار كريم الدليل وإشراف على الكتابة المؤلف محمد ناير، وإخراج رؤوف عبد العزيز.
