”رحلة علاج جديدة”.. تطورات الحالة الصحية للإعلامية أسماء مصطفى
كشفت الإعلامية أسماء مصطفى، مقدمة برنامج "هذا الصباح" المذاع عبر فضائية Extra news، عن تطورات حالتها الصحية بعد خروجها من غرفة العمليات، بعد إجرائها جراحة عاجلة عقب إصابتها بورم خبيث.
وكتبت أسماء مصطفى عبر حسابها الخاص بموقع التواصل الاجتماعي "فيس بوك": "الحمد لله رب العالمين أنا بكتب البوست ده علشان أشكر ربنا سبحانه وتعالى وأشكركم كلكم بشكر كل اللي سأل عليا، ودعا ليا بشكركم على المحبة اللي لولا المحنة مكنتش شفتها ربنا يكرمكم ويكفيكم شر المرض أنا خرجت من العملية الحمد لله وبتعافى منها صحيح الأطباء مقدروش يستأصلوا الورم وده معناه رحلة جديدة من العلاج وبرتوكول جديد سبحانه".
وأضافت إعلامية برنامج "هذا الصباح": "دي إرادة ربنا وعسى أن تكرهوا شيئا وهو خير لكم الحمد لله رب العالمين بشكركم من قلبى وبدعيلكم وبعتذر على التقصير فى الرد لأن محبتكم كانت كبيرة وكتيرة ربنا يتقبل وهحاول أرد على قد ما أقدر رجاء أقبلوا اعتذاري".
وسبق وأعلنت أسماء مصطفى، قبل أسبوعين عن إصابتها بالسرطان، من خلال منشور عبر حسابها الخاص بموقع "فيس بوك" كتبت فيه: "أنا بعتذر طول الفترة اللى فاتت عن الاختفاء وعدم الرد.. غصب عنى الحقيقة إنى بقالى كام شهر مش عارفة أرد أو أكتب أقول إيه لمعظم الناس.. وده كان علشان أمى وعيلتى لحد ما يستوعبوا القصة وبعد ما عرفت ورضيت خلاص مش فارق معايا خلاص".
اقرأ أيضًا: نجوم الفن يدعمون المذيعة أسماء مصطفى بعد إعلان إصابتها بالسرطان
وواصلت الإعلامية الشابة كاتبة: "بحاول وبكافح وربنا كريم صحيح المشوار لسه طويل والشفا بإيدين ربنا وحده وما علينا غير إننا ناخد بالأسباب ونرضى بقضاء الله ونسأله اللطف فيه".
وأضافت: "مش عايزة حد يزعل أنا بس محتاجة الدعاء لأنى مؤمنة أنه بيغير القدر.. أنا قطعت مسافة كويسة فى رحلة العلاج الحمد لله ولسه فى خطوات تانية ربنا يسهل فى انتظار تحديد ميعاد العملية علشان كدة عدم ظهورى هيطول رجاء تانى محدش يتضايق فضلا الدعاء".
