بعد بيان المتحدة.. خالد يوسف: ”تامر مرسي هيمشي عادي ومش إشاعة”
علق المخرج خالد يوسف، على بيان الشركة المتحدة، عبر حسابه الشخصي بموقع التواصل الاجتماعي فيسبوك.
وكتب خالد يوسف: "لكل زمان دولة ولكل دولة رجال، ياجماعة بلاش هبد كتير تامر مرسي هايمشي عادي ومش إشاعة، وهايعلنوا ده رسميا كمان كام يوم وسيعلن معه النجاحات التي حققتها الشركة وخططها المستقبلية".
وتابع: "أما ماهو متداول من تأكيدالخبر او نفيه كل منهما له أسبابه.. وطبعا هاييجي مكان تامر ورفاقه ناس تانيه ودول هيمشوا هما كمان بعد شويه لان كل نظام (سيستم) بيحدد قواعده وقواعد السيستم واضحة محدش هيفضل في مكانه اكتر من تلات اربع سنين من اكبر مسئول لاصغر موقع قيادي
ومحدش ثابت ومستمر غير اتنين تلاتة ومعروفين بالإسم".
وأختتم رسالته قائلا: "اما بقي لو فيه مخالفات او فساد اداري او مالي لفلان او لفلان أو غباء في تنفيذ التعليمات فده بيعجل بالنهاية والسيستم طبعا هيتصرف فيها سواء بتحويلها للنيابة او يرجع اللي خده او يركن علي جنب بهدوء وكله علي حسب تقديرات الموقف، اما اللي فرحانين او شمتانين ان فلان مشي او فلان هاييجي بقولهم ياجماعة
(كلوا لا يملك من امره شيئا) يعني مش هما اللي بيقرروا، والحياة ستستمر بنفس السيستم
البوست ده علي حسب فهمي للنظام وألياته يعني دي ، اجتهادات وليست معلومات".
اقرأ أيضا: قبلات وأحضان.. كارمن سليمان وزوجها يشعلان ”إنستجرام” (فيديو)
وكانت أصدرت الشركة المتحدة للخدمات الإعلامية قبل قليل، بيانًا صحفيًا، كشفت من خلاله عن عقد مؤتمر صحفي يوم السبت المقبل، وذلك للاعلان عما تحقق من إنجازات وملامح التطوير خلال المرحلة المقبلة.
وأوضحت الشركة المتحدة من خلال البيان أنها ستكشف خلال المؤتمر عن خططها المستقبلية خلال عقد المؤتمر.
