الطريق
الجمعة 29 مارس 2024 03:18 مـ 19 رمضان 1445 هـ
جريدة الطريق
رئيس مجلس الإدارةمدحت حسنين بركات رئيس التحريرمحمد رجب
رئيس مجلس الإدارةمدحت حسنين بركات رئيس التحريرمحمد رجب

عمرو أديب يهاجم محمد رمضان.. وأسرة الطيار تكشف علاقتها بالتحفظ على أمواله

محمد رمضان
محمد رمضان

تحدث الإعلامي عمرو أديب عن أزمة فيديو الفنان محمد رمضان الذي أعلن من خلاله عن التحفظ على أمواله، وهاجم محمد رمضان ببرنامجه "الحكاية" المذاع عبر شاشة قناة mbc مصر الفضائية.

وقال الإعلامي عمرو أديب: "فاكرنا هبل.. فاكرنا في عصر الجمهور الحقيقة مبتوصلوش.. وحب يدينا انطباع أن هو مش بيعز حاجة على البلد.. وأن البلد حطت إيديها على فلوسه.. إحنا عندنا مصاريف كتير وناخد منين.. ناخد من محمد رمضان، بيضحك علينا كلنا بيقول البلد حطت إيدها على فلوسي".

وأضاف: "لا يا عم البلد عايشة من غير فلوسك وفي غنى عنها.. يطلع محمد رمضان مصمم يكذب علينا تاني ويقول للعالم أن في مصر الحكومة بتحط إيدها على فلوس الناس، مصر مزنوقة في قرشين وأخدت فلوس رمضان.. وقالك أنا بشيل الفلوس في البيت هو دا اللي بتعلمه للناس أنهم ميتعاملوش مع البنوك اللي في مصر وأنهم ميتعاملوش مع البنوك الوطنية".

وتابع عمرو أديب: "بتقولهم خلي بالك الدولة ممكن تحط إيديها على فلوسك وحطها تحت البلاطة"، واختتم كلامه: "أنت قررت أن متدفعش فلوس الراجل مع أنك عارف أنه حقه، أنت مش شايف أنت حصلك إيه وإيه اللي بيجرالك".

وقال أيَضًا: "أبسط حاجة كنت تعملها مش 6 مليون أدي 10 أهي وأنا أسف والأعمار بيدي الله.. ولكن ربك كبير وبيجب حقوق الناس.. لو فاكر أن أنت أكبر من أي حد لو فاكر أن أنت مش هتدي حد حقه.. في قضاء وفي دولة.. دولة مش بتاخد فلوسك.. وأنا لسه عند ندري يوم ما أكسب القضية ندري موجود الفلوس كلها وهحط قدهم يروحوا مستشفى أبو الريش، فلوسك اللي أنت مخبيها في البيت هتروح للأطفال تتعالج".

اقرأ أيضًا: رانيا يوسف تكشف كواليس صورها مع رئيس برشلونة: ”مش سهرة خاصة” (فيديو)

ومن جانبهم، علقت أسرة الطيار الراحل، وكتبت عبير المستكاوي شقيقة زوجة الطيار أشرف أبو اليسر عبر صفحتها على "فيسبوك": "موضوع تصريح المدعو محمد رمضان بتحفظ الدولة علي أمواله في البنوك اللي قالب السوشيال ميديا ما هو إلا أنه قد تم الحجز على مبلغ 6 ملايين جنيه فى البنك".

وأضافت: "وده مبلغ التعويض الخاص بأشرف رحمة الله عليه.. الموضوع لا له دعوة بالبلد ولا طمع مصر فى فلوسه ولا حتى لحم كتافه .. يحب يعمل اي بروباجندا وخلاص.. وده بناء على هذا التصريح، وبذلك كان أول رد فعل من أسرة الطيار الراحل أشرف أبو اليسر بعد أن خرج محمد رمضان في فيديو وقال إن الدولة تحفظت على أمواله في أحد البنوك".