حقيقة خطبة صوفينار والفنان رامي دياب

تداول رواد مواقع السوشيال ميديا خلال الساعات الماضية شائعات عن خطبة الراقصة الاستعراضية صوفينار من الممثل رامي دياب.

ونفي رامي دياب ارتباطه بصوفينار وشارك متابعيه عبر حسابه الشخصي بموقع التواصل الاجتماعي "فيسبوك" قائلًا: "آخر مرة هتكلم في الموضوع ده علشان اتكلمت فيه قبل كده، بس الظاهر إن فيه بعض الناس الفهم عندهم بعافية شوية".

وتابع دياب :"أنا وصافينار اللي بينا كليب وكنا بنصوره، والمشهد اللي نزل وقلب الدنيا ده كان مشهد من الكليب والكليب خلص ونزل على اليوتيوب تقدروا تدخلوا تشوفوه".

وأضاف: "أنا وهي حاليًا أصحاب مش أكتر ولا أقل، وهي شخص ما شفتش منها أي حاجة وحشة.. فأي حد هيبعت في الكومنتات يقول مراتك أو خطيبتك أو الكلام اللي ملوش لازمة ده، واللي ملوش أي علاقة بالواقع، أتمنى يكون فاهم الأول قبل ما يكتب أي كومنت.. فيا ريت ما حدش يدخل يقول أي كلام ملوش أي لازمة بخصوص الموضوع ده".

وختم قائلًا: "أعتقد كده الرسالة وصلت وفهمتوا الموضوع، وشكرًا لكل الناس اللي عندي واللي بتتباعني وبتتابع صفحتي باحترام والناس المحترمة دي فوق راسي والله".