زوجة حسن أبو الروس لمنتقديه: يا ريتكم زيه

تعرض الفنان حسن أبو الروس للعديد من الأزمات خلال الفترة الأخيرة في الجونة بين منع الأمن لدخوله وانتقاد إطلالاته وتصرفاته على السجادة الحمراء وآخرها انتشار شائعات طلاقه من زوجته غادة والي.

وحرصت غادة والي زوجة الفنان حسن أبو الروس على نفي شائعة انفصالهما، ونشرت مجموعة من الصور عبر صفحتها الشخصية بموقع التواصل الاجتماعي لتبادل الصور والفيديوهات "إنستجرام".

ومن جانبها، غادة والي على الصور قائلة: "حسن ما بدأش السنة دي حسن بقاله 15 سنة بيمثل، وبيعمل ورش وشارك فى مهرجانات عالمية زي افينيون في فرنسا.. حسن بياخد كل فرصة أنه يسعد اللي حواليه أهله وصحابه، دار مسنين، أطفال، ملاجئ أو حتى ناس قابلها مرة في حياته فى الشارع".

وتابعت: "ودي رسالته الحقيقية، نشر البهجة.. حسن من صغره معروف بلبسه المختلف ومش خايف يبقي نفسه لدرجة ان صحابه في الشغل القديم عملوله تورتة على شكل قميص مشجر.. فيه فنانين كتير عالمية ومصريين حسن متأثر بيهم".

واستكملت تعليقها: "عندهم ذوق مختلف زي مايكل جاكسون، برونو مارس، الأستاذ سمير غانم وفؤاد المهندس، أحمد زكي، شكوكو، وغيرهم.. وبرغم من المحتوى الكوميدي والمزيكا الديسكو، شعبي، اللي بيقدمه حسن بيشتغل ليل نهار 15 سنة علشان يوصل لحلمه".

زوجة حسن أبو الروس:  اشتغل بذكاء لترويج شغله مع دينا الشربيني

وكتبت زوجة حسن أبو الروس أيضًا: "حسن اشتغل بذكاء لترويج آخر أعماله مع الفنانة دينا الشربيني زي اى دويتو اتنين فنانين عملوه، وده جزء من الحملة مع شركة الدعاية، كل اللي قابل حسن وعرفه معرفة شخصية يعرف قد ايه هو جدع وصاحب موقف، ومتأخرش فى مساعدة أى حد يلجأ له، وده اللى خلا صحابه يقفوا يلبسوا أحمر فى فرحه".

وأضافت: "وبرغم الحملات المقصودة ضده فشغله لسه تريند ومفيش حاجة هتوقف نجاحه لأن عزيمته أكبر بكتير، والناس اللي مش حابة أعماله ممكن تلغي متابعته بكل بساطة واحترام".

اقرأ أيضًا: ختام مهرجان الجونة.. ”ريش” يفوز بجائزة أفضل فيلم روائي عربي

واختتمت قائلة: "ياريتكم زي حسن فى شجاعته انه يبقي نفسه الحقيقية من غير ما يقلد اللى حواليه، ويمشي ورا الدارج، وفى معافرته انه يوصل لحلمه بمجهوده بدون أى واسطة أو معرفة في المجال، كلنا فى ضهرك وبنحبك يا أنضف قلب وألذ شيكالستك فى مصر، مبروك يا أبو علي".