عاجل… مدحت شلبي يكشف سر ”زغلول معلول”
دافع الإعلامي مدحت شلبي عن اتهامه بالتحيز للنادي الأهلي خلال مباراة القمة الأخيرة، بعد قرار نقابة الإعلاميين بالتحقيق معه عقب بيان حسين لبيب رئيس الزمالك.
وحسب بيان نقابة الإعلاميين، أمس الأحد ، فإن مجلس النقابة قرر استدعاء مدحت شلبي للتحقيق معه، فيما نسب إليه من تجاوزات أثناء تعليقه على مباراة القمة الأخيرة.
وقال مدحت شلبي في تصريحات لبرنامج "اللعبة الحلوة" المذاع على راديو "9090": "أنا قلت بالنص قبل مباراة القمة، إني هسيط الفريق اللي هيجيب جول، علشان أمتع الجماهير، ومش مشكلتي أن الأهلي هو اللي سجل أكتر".
وتابع: "بطالب جماهير الزمالك أنها تتفرج على المباراة تاني، أنا قولت هلعلع الفرقة اللي هتجيب جول عشان جمهورها يتبسط، أنا مش موظف بيعمل شغله ويروح، أنا لازم أعمل متعة للمشاهد، ولما قولت كل الطرق تؤدي لمرمى أبو جبل دا كان حقيقي، بعد كل الهجمات اللي اتعرضلها الحارس".
وواصل: "وبردو قولت لسه في جولات كتير في الدوري والشاطر اللي هيضحك في الأخر، وقلت لو في وقت زيادة الزمالك يقدر يتعادل، واسمعوا يا زملكاوية تعليقي على أهداف الزمالك، قولت على هدف مصطفى فتحي ولا الشناوي ولا عشره زيه يعرفوا يطلعوا الجول ده، مع أن الشناوي حارس أسطوري، وثاني أفضل حارس في تاريخ مصر بعد الحضري".
وتحدث مدحت شلبي عن تعليقه على هدف معلول، حيث قال:" نيجي بقى لتعليقي على تألق علي معلول، هفكركم أنا من كام شهر قلت نفس الجملة لما عمل هدف لعمرو السولية في ماتش أنتو كلكوا عارفينه، وقلت وقتها معلول حط الزغلول يعنى قديمة مش جديدة".
اقرأ أيضًا: عاجل | نقابة الإعلاميين تستدعي مدحت شلبي للتحقيق معه بسبب ”القمة”
واختتم مدحت شلبي تصريحاته:"أنا راجل محترم وعمري ما أقول تعليقات سيئة، إنما البني أدم سيئ الظن هيفهم كلامي بطريقة سيئة، وعشان النتيجة طلعت خمسة الناس بتدور على أي غلطة، والزغلول وراه قصة، إني زمان لما كنت صغير كنا بنلعب في الشارع، وكان بيلعب معانا واحد بيربي حمام زاجل غالي، فلما حد يجيب جول كنا نقوله خد الزغلول".
