شيرين عبد الوهاب بعد حلاقة الزيرو: دخلت الجيش من أوسع أبوابه
كشفت الفنانة شيرين عبد الوهاب، سر حلق شعرها وظهورها في حفلها الغنائي الأخير بأبوظبي حليقة الشعر.
وخلال مداخلة هاتفية لها مع الإعلامي عمرو أديب، مقدم برنامج "الحكاية"، عبر شاشة قناة "MBC مصر"، قالت شيرين: "الإنسان الحساس بزيادة ممكن يؤذي نفسه عشان يعاقب نفسه، وأنا كنت بعاقب نفسي".
اقرأ أيضا: شيرين عبد الوهاب باكية: «الناس باركولي على الطلاق كأني راجعة من الحجاز»
وتابعت: "عبد الوهاب": "هتقوللي بتعاقبي نفسك ليه؟ لإني غلطت في حق نفيس كتير، وغلطت في حق مكانتي وفي حق اسمي، فكان لازم أربي نفسي، فأنا دخلت الجيش من أوسع أبوابه".
وعن سبب طلاقها من الملحن حسام حبيب، قالت شيرين عبد الوهاب خلال حديثها مع عمرو أديب: "أنا بعترف إن لسه في حاجة، ومش بتبرأ من اللي كنت فيه. أنا قلت من الأول العلاقة دي لا تصلح."
وتابعت: "لإن صعب جدا يا أستاذ عمرو واحدة بتتجوز لثالث مرة ويبقى الفرق بينها وبين جوزها سنة".
واختتمت الفنانة شيرين عبد الوهاب حديثها، قائلة: "لازم مش أقل من 5 أو 6 سنين، أنا بحب الراجل يكون في فرق بيني وبينه عشان يكون في شوية عقل. بس حسام راجل وسيد الرجالة، الحتة الناقصة كانت ناقصة في عقلنا وفي تصرفاتنا."
يذكر أن المطربة شيرين عبد الوهاب، أشعلت مواقع التواصل الاجتماعي، بعدما فاجأت جمهورها بإطلالتها في الحفل بحلاقة الـ zero، وأثارت إطلالتها تساؤلات عن مرورها بأزمة نفسية بعد طلاقها من الفنان حسام حبيب، أم أن الأمر مجرد "نيولوك".
