القصة الكاملة للحرب الكلامية بين ميدو وكوكا على «تويتر»
شهدت الساعات القليلة الماضية، مشادة كلامية بين لاعب نادي الزمالك السابق، أحمد حسام ميدو، وأحمد حسن كوكا، المهاجم المصري المحترف ضمن صفوف فريق قونيا سبور التركي.
بدأت المشادة الكلامية، بين نجم الزمالك السابق وكوكا، بعد انتقاد رد ميدو في أحد التعليقات، عبر حسابه الرسمي على موقع التدوينات القصيرة تويتر، قائلًأ: «مهاجم متواضع لا يصلح للمستوى الدولي ولو أحرز 1000 هدف».
على الجهة الأخرى، رد كوكا ساخرًا: « مهاجم متواضع؟ أولا هو أنت أصلا مين طلب رأيك؟ ثانيا أنت مبطل كورة وأنت عندك 29 سنة وكل الناس عارفة ليه، ثالثا لو رقم الأهداف اللي أنا جايبه شايفه قليل ماجبتوش أنت ليه؟ مع أن اللي بيلعب في نادي أكبر فرصه بتكون أكتر في التسجيل».
وتابع كوكا: «رابعا حاولت تبقي مدرب ومبتكملش شهر في أي ناد، خامسا بتحاول تبقي إعلامي وتتكلم عن ده وده عشان تبقي تريند بأي شكل، أي حاجة عايز تدخل فيها، ده حتى صلاح في أول مشواره كنت بتتكلم عليه وحش، الحقد عالي أوي عندك من زمان وأنت بتتكلم وحش عني».
لم تتوقف الحرب الكلامي بين كوكا وميد، عند ذلك الحد، ليرد الأخير قائلا: «عمري ما رحت المنتخب علشان مناسب حد مهم، أنت عارف كويس أنت كنت بتروح المنتخب ليه، رد في الملعب حاول تروح المنتخب، أنت لاعب تعبان وكل مؤهلاتك نسبك، وأنت عارف كويس».
وتابع: «عمري ما لعبت في دوري الألاضيش اللي أنت بتلعب فيه، مصر كلها بتقول إنك لعيب على ما تفرج مش أنا بس، وتاني أنت عارف كويس أنت كنت بتروح المنتخب ليه».
وأضاف ميدو: «سيرتك حلوة أزاي وأنت ما بتعرفش تلعب، مافيش حد هيجيب سيرتك لا بالحلو ولا بالوحش».
وجاءت ردود الفعل، بدعم أحمد حسن كوكا، كان أبرزهم محمود عبد الرازق شيكابالا، بعد نشر صور تجمعه بكوكا عبر حسابه الشخصي علي موقع التواصل الاجتماعي "إنستجرام".
اقرأ أيضًا: حصاد المحترفين المصريين 2021.. نكبة تريزيجية وتألق صلاح ومرموش
ووجه الإعلامي بقناة الأهلي محمد فارس مقدم برنامج «الأهلي خط أحمر» انتقادات لاذعة إلى ميدو، وكتب فارس عبر حسابه الرسمي على موقع «تويتر»: «أنا عايز أقول إن ميدو بطريقة تفكيره دي لو حقق ربع إنجازات وأرقام صلاح كان طالب إن صورته تتحط على الجنيه وإن يتعمل محافظة باسمه وإن يكون في استاد ميدو الرياضي الدولي وإن يبقى في قناة إنجازات ميدو سبورت وإذاعة أرقام ميدو fm. يا نجم اهدى شوية ده انت مسجلتش مع نادي في مسيرتك ٢٥ هدف».
