قائد سلة الأهلي يكشف حقيقة تفاوض اللاعبين مع أندية أخرى

كشف محمد الجارحي، قائد الفريق الأول لكرة السلة بالنادي الأهلي، حقيقة رحيل اللاعبين المنتهية عقودهم، وتفاوضهم مع أندية أخرى تمهيدًا للرحيل عن الاهلي.

وكتب الجارحي عبر صفحته الرسمية على موقع التواصل الاجتماعي "فيسبوك": "عايز أقول كلمتين معلش، صدقوني مفيش لاعب بيلعب في النادي الأهلي ويفكر يمشي، ولو لأي نادي تاني".

وأضاف: "واللي متخيل أن يكون في لاعب بيلعب باسكت في النادي الأهلي ويمشي ده يبقى بيحلم، اللي بيلعب في النادي دا عارف كويس أوي هو بيلعب فين وجمهوره مين وبيستفيد قد إيه من وجوده في النادي".

وتابع: "التاريخ شاهد على كلامي مفيش لاعب في تاريخ النادي في الباسكت خلص عقده والنادي الأهلي عايزه وهو مشي.. بالعكس أي لاعب بيخلص عقده في أي نادي تاني بيكون أول اختيار ليه وأمنيته بتكون اللعب في النادي الأهلي".

وأردف: "بطمن جمهور النادي الأهلي إن الباسكت في النادي ماشي على الطريق الصحيح بإذن الله، عندنا جيل حالي وقاعدة ناشئين قادرين على رفع اسم نادينا لسنوات عديدة إن شاء الله".

رابح ماجر: قطر ستنظم كأس عالم استثنائي وبطولة فريدة من نوعها

وتعمل إدارة الأهلي على الحفاظ على قوام فريق السلة بالنادي، لاستكمال المسيرة الناجحة التي بدأها مع الإسباني أوجستي بوش، والتي بدأت بتمديد تعاقد إيهاب أمين لمدة 3 مواسم مقبل.