«ردوا عليه».. أحمد موسى يناشد شيخ الأزهر بعد تصريحات مبروك عطية
شن الإعلامي أحمد موسى، هجومًا حادًا على كل من وقف أمام مشهد مقتل نيرة أشرف، طالبة المنصورة، قائلًا: "الناس واقفة تتفرج وأنت واقف بتعمل إيه.. فين يا جماعة النخوة بتاعتنا.. ليه بنعمل في نفسنا كده.. ليه الظلم ده".
وتابع موسى، خلال تقديمه حلقة اليوم من برنامج "على مسؤوليتي"، المذاع على فضائية "صدى البلد": هو إحنا فين.. أقسم بالله مش مستوعب اللي حصل ده.. كان ممكن البنت دي تتلحق لو كان في ناس جدعة.. يا أخي اعتبرها أختك ولا حتى مواطنة جنبك بتتقتل.. اجري يا أخي اتحرك وانقذها"
اقرأ أيضًا:«اخرجي لابسة قفة» مبروك عطية يثير الجدل بشأن واقعة طالبة المنصورة
وانتقد أمن الجامعة الذي لم يتدخل بشكل فوري، قائلًا: "هو أنت دورك إيه وأنتوا سايبين البنت تموت ومستقبلها يخلص قدام عينينا وإحنا واقفين بنصور.. التصوير أهم من حياة البنت.. إيه السلبية دي؟".
واستطرد مهاجمًا تصريحات الدكتور مبروك عطية، بشأن حديثه عن الحجاب وقتل الفتاة، قائلًا: يجي حد يقولك البنت لابسة إيه وأنتوا مالكم الناس لابسة إيه.. عقول الناس راحت فين.. أين أنتم رجال الدين مطلعش حد يرد ليه.. فين دور الأزهر.. يا فضيلة الإمام اطلعوا ردوا على الأستاذ اللي عندكم ده".
