مبروك عطية يعلق على جريمة المنصورة.. ونهاد أبو القمصان: «تحريض على العنف»
تصدر الدكتور مبروك عطية الأستاذ بجامعة الأزهر الشريف، تريند موقع التواصل الاجتماعي فيسبوك؛ وذلك بسبب تصريحاته وتعليقه على واقعة وفاة الطالبة نيرة أشرف، المعروفة إعلاميا بـ «فتاة جامعة المنصورة».
وعبر حسابها الرسمي بموقع فيسبوك، قالت المحامية نهاد أبو القمصان عضو المجلس القومي لحقوق الإنسان، طالبت النائب العام بسرعة وضرورة التحقيق مع الدكتور عطية، متهمة إياه بالتحريض على العنف.
مبروك عطية بيدّعي إنه شيخ
وعلقت «أبوالقمصان»: «في مواطن اسمه مبروك عطية بيدعي إنه شيخ بيقول للبنات لو عايزة تصوني نفسك البسي خيمة وبيبرر للي قتل البنت قدام جامعة المنصورة إن دي طبيعة المجتمع المصري، متابعة «عطية يرتكب عددًا من الجرائم ومنها تعطيل الدستور والقانون فإذا كانت البنات هي المسؤولة عن حماية نفسها ولازم تلبس خيمة علشان المجرمين المطلوقين في الشوارع فهنا لا في دستور ولا قانون».
التحريض على العنف
وتابعت المحامية: «تاني جريمة هي التحريض على العنف فالبنت اللي مش هتلبس الخيمة اللي بيقول عليها تستحق القتل، وثالثا، دي جرائم إنترنت طبقا لجرائم الاتصالات والإنترنت، ورابعا، نتحدث عن إشاعة الإرهاب في المجتمع المصري وبنخوف كل البناتۑ».
ماذا قال مبروك عطية عن الواقعة؟
الله رحمن رحيم
«برغم الفحش وبرغم الجريمة وبرغم المنكر فيبقى الله هو الرحمن الرحيم، فلو لم يكن ربنا رحمن رحيم لحدث سواد أشد وجرائم أفظع، وروى عطية تفاصيل قصة جريمة قتل طالبة المنصورة على يد زميل لها بسكين داعيًا للفتاة بالرحمة ولأهلها بالصبر».
سيبي المهفهف على الخدود
«الله يرحمها والله يجيب له طعنة من فوق سبع سموات وينتقم منه ويوفقه لقاضي يحكم بالقصاص العادل ويبرد نار أمها ونار أبوها»، وربط عطية بين القضية وبين رفض البعض الحجاب بدعوى الحرية الشخصية، مؤكدا: «سيبي المهفهف على الخدود يطير والبسي محزق هيصطادك اللي ريقه بيجري ويقتلك».
وواصل: «الفتاة تتحجب علشان تعيش وتلبس واسع عشان متغريش، حياتك غالية عليكِي اخرجي من بيتكم قفة، لا متفصلة ولا بنطلون ولا شعر على الخدود، هيشوفك اللي ريقه بيجري ومعاهوش فلوس وهيدبحك، دا واقع، هناك بعدا آخر للحجاب ليس بعدًا دينيًا وإنما هو بعد خبرة بالمجتمع، في بيئة ما بتعتبرش، بتشوف كل يوم جرائم قتل وفظائع ومحاكم بتحول الأوراق للمفتي ومفيش فايدة..حافظي على روحك..خافي على عمرك، حواليكي كلاب وديابة».
اقرأ أيضا: تتجاوز 100 مليار دولار.. خبير اقتصادي: السعودية الأكثر استثمارًا في مصر (خاص)
