أحمد موسى بعد تصريحات مبروك عطية: «انت مالك.. مش أنتوا اللي هتحاسبوا الناس»
علق الإعلامي أحمد موسى، على واقعة مقتل طالبة المنصورة وانتحار شاب من أعلى برج القاهرة وحادث وفاة شاب من المنصورة.
وهاجم أحمد موسى، خلال حلقة اليوم، من برنامج "على مسؤوليتي"، المذاع على فضائية "صدى البلد"، حديث البعض عن ملابس الطالبة نيرة، قائلًا: "أنت مالك بلبس البنت.. تلبس اللي هي عايزاه وتعمل اللي هي عايزه دي حرية شخصية".
اقرأ أيضًا:«اخرجي لابسة قفة» مبروك عطية يثير الجدل بشأن واقعة طالبة المنصورة
وتابع: كل واحد طلع يفتي ولابد أن نتوقف أمام رجال الدين الذين يبررون جرائم للقتل.. دول مينفعش نسيبهم.. نلاقي واحد طالع يقول أصلها لابسة.. بدل ما تطالب بإعدام القاتل.. محدش يدافع عن قاتل إلا لو كان قاتل زيه.
وعلق على من يروج لتصريحات أن نيرة قتلت بسبب ملابسها، قائلًا: عيب على الناس ياخدوا تصريحات من مواقع التواصل الاجتماعي وكل واحد حر ياسيدي مش أنتوا اللي هتحاسبوا الناس على الأرض والله هو من يحاسب الجميع.. إحنا في بلد قانون وعدالة.
