«صرفت عليها دم قلبي وأبوها كان بيتحايل عليا أتجوزها».. أسرار جديدة يسردها المتهم بقتل طالبة جامعة المنصورة

تنشر «الطريق»، نص تحقيقات النيابة العامة مع المتهم في القضية التي حملت رقم 11409 لسنة 2022 جنح أول المنصورة، والمعروفة إعلاميا بـ«طالبة جامعة المنصورة»، والمتهم فيها «محمد عادل»، الذي نحر زميلته بسلاح أبيض أمام بوابة توشكى بجامعة المنصورة لرفضها الارتباط به عاطفيا أو الزواج منه.

وخلال تحقيقات النيابة العامة مع المتهمة كشف عن تفاصيل جديدة وحوار دار بينه وبين والد المجني عليها نيرة، قائلا: «أنا كلمت والدها وقولتله بنتك بدأت تجيب سيرتي تاني ولقيته بيرد عليا وبيقولي إن هو مش بأيده حاجة وإن هي اللي ممشياها وإن هو اتأذى من الموضوع ده، وإن بنته مش قادر يسيطر عليها ولا على مراته وأنا قولتله ساعتها أنا مليش دعوة بالمواضيع دي، وأن أنا ليا حق عندكم وأنت لازم ترجعهولي وأنك تأدب بنتك على كل اللي عملته، وهو فعلا استجاب للكلام وكانت ساعتها بنته هربانة من البيت ومتغيبة وأنا فضلت أكلم ناس، وأتابعها لحد ما عرفت إنها كانت قاعدة في الساحل وأنا قلت لأبوها أننا ممكن نعمل محضر تغيب ونرجعها، ورجعت لأن أبوها قالي أول ما هي رجعت وكان بيحاول يخليني أوافق أن أنا اتجوزها وأنا كنت موافق وكنت هنسى كل حاجة».

وأضاف خلال تحقيقات النيابة العامة، «أنا كنت قعدت معاها وكنت بحبها، وكنت بصرف عليها دم قلبي وكنت فعلا مرتبط بيها وكنت ممكن أنسى لها كل حاجه وكل اللي هي عملته بس نتجوز».

وتابع المتهم خلال تحقيقات النيابة العامة، أن المجني عليها لها علاقات مع آخرين على نحو مخل بالشرف قائلا: «هي كانت شغاله موديل وكانت دايما بتنزل صور لها على الإنستجرام بس أنا معرفش عنها حاجة زي، وأبوها خلف كلامه معايا وقالي أن البت وأمها مقدرش يسيطر عليهم ومنفذش معايا أي حاجة علشان اتجوزها، وأنا طول الفترة اللي قبل رمضان اللي فات وأنا كنت بعمل أكونتات علشان أتواصل معاها لأنها كانت عملالي بلوك على أي أكونت ليا».

اقرأ أيضا: المتهم بقتل طالبة المنصورة: موتها بسكينة حامية وكنت هخلص عليها من تالت يوم امتحانات