مدحت تيخا: تامر حسني يستحق الشكر أمام جميع الناس
أعرب الفنان مدحت تيخا، عن سعادته بالعمل مع الفنان تامر حسني، في فيلم «بحبك»، الذي تم عرضه في موسم عيد الأضحى المبارك، وذلك من خلال صفحته على موقع «فيسبوك».
وكتب الفنان مدحت تيخا: «تامر حسني.. أنا لازم أقول قدام الناس كلها أنك أحسن نجم أنا اشتغلت معاه من الجانب الإنساني.. اختيارك ليا واهتمامك الكبير بيا في كل حاجة من أول أجري ودوري في الفيلم وشكلي على الأفيش واسمي في التترات، مفيش حد بيعمل كده خالص إلا أنت عشان كده ربنا بيحبك لأنك فعلا إنسان عظيم ونضيف وبتعمل خير من قلبك بجد مش مجرد شو إعلامي، يعني اللي عملته معايا ممكن محدش يعرفه خالص».
وأضاف: «لو أنا مقولتش وبالرغم من كده عملته معايا، وأنا دلوقتي بمحض إرادتي بقول للناس كلها أهو اللي عملته معايا عشان فعلا أنت تستحق أني أشكرك قدام كل الناس، أشكرك جدا يا حبيبي ربنا يوفقك ويسعدك وتحقق كل اللي نفسك فيه يارب وأكتر كمان بإذن الله».
اقرأ أيضًا: بالأرقام .. حصيلة إيرادات أفلام عيد الأضحى المبارك في أول ليلة
فيلم «بحبك» من بطولة: تامر حسني، هنا الزاهد، هدى المفتي، حمدي الميرغني، مدحت تيخا، تأليف وإخراج تامر حسني في أولى تجاربه الإخراجية الدرامية.
وتدور أحداث فيلم «بحبك» حول حياة رجل يخوض قصتي حب، ويتخبط في حياته بين فتاتين، ويُظهر اختلاف مدى صدق التعبير عن الحب بين الرجل والمرأة.
