جريدة الطريق رئيس التحريرمحمد عبد الجليل
الثلاثاء 7 فبراير 2023 04:34 مـ 17 رجب 1444 هـ

ما قاله رمضان محمد لـ«الطريق» بعد نجاح أغنيته مع تامر حسني.. ”عبّرت عن حال الناس”

تامر حسني ورمضان محمد
تامر حسني ورمضان محمد

أعرب الشاعر رمضان محمد، عن سعادته البالغة بنجاح أغنيته "بعد مؤقت" مع النجم تامر حسني، الذي قدمها ضمن أَغَاني ألبومه الجديد "عشأنجي".

رمضان محمد وتامر حسني

وقال رمضان محمد في تصريح خاص لـ"الطريق": "هذه الأغنية كانت لي تحدي لاستمرار التميز مع تامر حسني، لأن أنا صممت إن الأغنية اللي تبقى بعد 100 وش، تبقى متميزة مثل أغنية 100 وش".

وتابع الشاعر: "أعتقد أن مش جمهور تامر بس اللي عجبته الأغنية، لأن بها حالة ملموسة وحقيقية، وأنا حبيت أعبر عن حالة الناس عيشاها وحساها، فأنا سعيد جدا بهذا النجاح، وبوعد كل الناس إن في أَغَانٍ قادمة مع تامر وغيره من النجوم سوف تنال على إعجابكم إن شاء الله".

أغنية بعد مؤقت

أغنية "بعد مؤقت"، لتامر حسني من كلمات رمضان محمد، ألحان وفواصل موسيقيه مودى منير، توزيع محمود صبرى، تسجيل ومكساج مودى منير، ماستر على فتح الله، جيتار مصطفى أصلان وتشيلو عبد الله سمير.

وتقول كلمات أغنية "بعد مؤقت":

"خلينا نبعد فتره و نشوف كدا لما نغيب إعتبره بُعد مؤقت و أهو كدا أحسن ليا و ليك خلينا نبعد فتره و نشوف كدا لما نغيب يا نفوق و لبعضنا نرجع يا نقول محصلش نصيب و أنا لسه باقي عالحاجات اللي أنا جنبك عيشتها دا إنت رغم إن إنت آسي كان فيك حاجات بحبها سيبنا نبعد فتره يمكن البُعد دا كدا يفيدنا و إن حد سألك مرَّه عني متقولش موضوعنا انتهى ساعات الحاجة قيمتها بتتقدر و هي بعيد و أنا مطمن في البُعد إن إحنا هنوحش بعض أكيد و نشوف أنا و إنت زعلنا من بعضنا كدا إمتى و ليه عشان لو تاني رجعنا نتعلم من الأيام دي".

اقرأ أيضًا .. تامر حسني يشكر بناته على مساندتهم له قبل صعوده في حفل إسبانيا

يذكر أنه وجه النجم تامر حسني رسالة عقب نجاح حفله بنادي الميريا في دولة إسبانيا، مساء أمس الأحد، عبر حسابه الشخصي بموقع التواصل الاجتماعي فيسبوك، وعلق قائلا:

"لما أتعرض عليا الحدث ده أول قرار أخدته شركتي إننا نعتذر لأنه جمهور إسباني مش عربي وجمهور كره متعصب، وبالطبع يحتفلوا مع نجومهم المعروفة.. وفجأة قررت إننا نروح وقولت لنفسي بجملة التحديات الصعبة اللي بدخلها مع نفسي إني أشوف حجم محبتي وتأثيري الفعلي على الجمهور الأجنبي طوال تاريخي هل فعلًا في محبه زي ما بقرأ تعليقاتهم على صفحاتي على مستوى العالم أو هي معرفة قليلة بما أني أغني بلغة عربية ميعرفوهاش".