«اتخضيت من شكلك».. ميار الببلاوي توجه رسالة شديدة اللهجة لشيرين عبدالوهاب

وجهت الفنانة ميار الببلاوي، رسالة إلى النجمة شيرين عبدالوهاب بسبب إطلالتها الأخيرة في حفل تخرج بإحدى الجامعات المصرية، وذلك من خلال نشر مقطع فيديو لها، على حسابها الشخصي، عبر موقع تبادل التواصل الاجتماعي فيسبوك.

وقالت ميار الببلاوي: "الفيديو دا أنا كنت عايزة أعمله عندي في الحلقة.. بس بصراحة قولت لا بلاش خليني أعمله على صفحتي لأني برنامجي برنامج ديني ليه طبيعة خاصة.. أنا شوفت النجمة شيرين عبدالوهاب وهي طالعة تتكرم من كام يوم.. شوفت الوزن اللي وصلتله والفستان وشعرها".

وتابعت: "شيرين فوقي لنفسك ولبناتك.. الدنيا مش بتقف على أي راجل في العالم أسالينا أنا كلنا اطلقنا وفشلنا واتسابنا.. لكن أنتي مش ملك نفسك أنتي ملك جمهورك ومثل أعلى لبناتك.. حرام عليكي بناتك تشوفك منهارة بالطريقة دي.. عايزة تبعتيله رسالة أنك ادمرتي مينفعش تبعتي حاجة زي كده.. أنا بحبك جدًا يا شيرين وجمهورك كله بيحبك.

اقرأ أيضًا: هنا الزاهد تؤدي مناسك العمرة.. وتنشر صورتها من أمام الكعبة