محمد نور مدافعًا عن حمو بيكا: «صعب عليا لما قال نفسي اشتغل»
دافع المطرب محمد نور، عن مؤدي المهرجانات حمو بيكا، بسبب الصدام الأخير بين بيكا ومجلس نقابة المهن الموسيقية من قرارات التي أوقفته عن الغناء في حين سمحت للعديد من زملائه.
نشر المطرب محمد نور، فيديو له عبر حسابه الشخصي على موقع الصور والفيديوهات الشهير "انستجرام"، وأكد أنه يتقدم اعتذاره لمجلس إدارة نقابة المهن الموسيقية، مشيرا إلى أن حمو بيكا كان منفعلا في الفيديو الذي ظهر فيه، ولم يقصد الهجوم على مجلس النقابة.
وعلق محمد نور على الفيديو كاتبًا: "لكل أعضاء نقابة المهن الموسيقية اخوتنا الكبار اللي طول عمرهم معانا في كل كبيره وصغيره بعتذر لكم نيابة عن حمو بيكا".
وأضاف: " أكيد مكنش يقصد الإنسان وقت الغضب مش بيعرف يقول ايه، هو بس عاوز يشتغل ودي كلمة أثرت فيا طبعا، ولكن ده ميديلوش أي حق إنه يغلط في أي حد من أساتذتنا الكبار فهو هيعتذر وعشان خاطري أنا تقبلوا اعتذاره وأنا هحيبوا وأجيلكم ونخلص الموضوع وتشتغل إن شاء الله".
ووجه "نور" رسالته لـ حمو بيكا: "أتمنى تقرأ الكلام ده وتعتذر وهما مفيش أطيب منهم والموضوع يخلص أنا بس تدخلت عشان عارف إنك طيب، وفي حالك وعندك جمهور بيحبك وهما محترمين فوق الوصف، أهل حقيقي مش مسئولين نقابة".
واختتم نور: "عفا اللهً عما سلف.. شكرا وأتمني من الجميع محدش يغلظ أو كده من الكومنتات أنا فقط مقدرتش اسمع حد بيقول نفسي اشتغل وانا محاولش اساعد شكرا للجميع طولت عليكو شكرا لاستاذ احمد رمضان والمايسترو الاستاذ حماده ابوً اليزيد وانامتاكد انكم هتتعاونو معايا وده مش جديد عليكو".
إقرأ أيضًا .. قبل طرحه بالسينمات .. شكوى ضد فيلم «خطة مازنجر» لغرفة صناعة السينما
