حمو بيكا يستغيث: «حسبي الله ونعم الوكيل أنا أدمرت»
استغاث مطرب المهرجانات الشعبية حمو بيكا، بجمهوره بسبب عدم حصوله على كارنية النقابة حتى الآن، وذلك من خلال بث مباشر، على حسابه الشخصي، عبر موقع تبادل التواصل الاجتماعي فيس بوك.
وقال حمو بيكا، خلال البث المباشر: «حسبي الله ونعم الوكيل، في كل واحد بيأذيني وواقف في طريقي، هو أنا علشان مدفعتش مشتغلش، طب عرفوني أنتوا عايزيني أدفع؟».
وتابع: «يوجد قانون يدافع عن المظلومين في هذه البلد، وأنا رافع عدد من القضايا على كل اللي وقف ضدي، منها ابتزاز ورشوة، ولكن معرفش القضايا دي وصلت لفين».
وأشار: «أنا وقفت جمب ناس كتير ولكن محدش دلوقتي بيتصل يطمن عليا، منهم وأحد نصاب عالمي، أنا لو شوفتك مش عارف هعمل فيك إيه.
وأوضح: «أنا تعبت واتخنقت، وكل يوم بيعدي عليا بقول الحمد الله إنه عدى، أنا رافع 3 أو 4 قضايا ولكن معرفش وصلوا لفين في قضية فيهم وصلت للأموال العامة، أنا نفسي تقفوا جمبي، والقضية دي تيجي بسرعة، لأني مش هسيب حقي لو هموت، عايزين يعملوا مني حد صايع وبلطجي، أنا نفسي النيابة تحقق معايا، لأني معايا شهود من خارج المجال، أنا عايز أجيب حقي».
وأضاف: «لازم حد من المسؤلين يقف جمبي، لأن الناس كلها بتحبني، وأنا عمري ما أذيت حد، يا تدخلوا يا إما هتوصلوني لحاجة مش حابب أوصلها».
اقرأ أيضًا: «ربنا موجود».. زوجة شريف منير تعاتب بناتها بقلب منفطر
