«مين هيطبخله ويراعيه».. رضوى الشربيني تهاجم السيدات بسبب تريند «مش ملزمة»
تصدر تريند "الست مش ملزمة"، جميع منصات السوشيال ميديا وأخذ مجراه في المناداة بحقوق المرأة في عشها الزوجية، حيث ترددت الأقاويل حول "مش ملزمة أخدم جوزي، مش ملزمة أنضف بيتي، مش ملزمة بالرضاعة"، هذه الاعتراضات جعلت المرأة تشعر وكأنها تتفضل على زوجها وبيتها في كل شيء تفعله، هذا ما أثار الجدل في كافة الجوانب، سواء كانت دينية أو قانونية أو حياتية.
ولكن على غير المعتاد، ظهرت الإعلامية رضوى الشربيني، المعروفة بتأيدها للمرأة بشكل تام و"الفيمينست"، هذه المرة لتنتقد التريند "مش ملزمة" وتهاجم السيدات المنساقة وراءه.
مش هتريحي جوزك
قالت الإعلامية رضوى الشربيني بواسطة برنامجها "هي وبس"، المذاع عبر قناة "سي بي سي سفرة": "لو افترضنا دلوقتي إنه مش عليكي تطبخي لجوزك ومش واجب عليكي.. مش هتطبخي لجوزك؟.. مش هتريحي جوزك؟.. مش هتنضفي علشان يحس إنه في مكان نضيف؟.. مش هتراعي جوزك؟".
تربينا على الأصول
وتابعت الشربيني: "زي ما بنقول الستات ليها حقوق.. بردوا الستات عليها واجبات.. والواجبات دي مش بتتكتب بالورقة والقلم علشان ده مش عقد.. دي واجبات إنسانية والأصول اللي اتربينا عليها".
المودة والرحمة والسكينة
وأضافت الفيمينست: "يعني إيه مش واجب عليا إني أطبخله!.. أومال واجب على مين؟.. ولما يروح يتجوز عليا ألومه وأعاتبه وأشكيه.. الزواج اسمه سكن ومودة ورحمة ليه!".
الراجل طفل صغير
ولفتت الأنظار إلى أن المودة والرحمة تخلق عندما تراعي الزوجة زوجها، معلقة: "مش مهم أنا مكتوب عليا إيه او المفروض عليا إيه.. المهم أنا إيه.. والراجل ده طفل صغير".
الوعي والمسؤولية
ونبهت الإعلامية: "زي ما بنادي بالاحترام والأدب وعدم الخيانة والصدق من جانب الراجل.. بردوا بنادي إنك تعملي نفس الشيء بل وأكتر كمان.. لأنك أخته وزوجته وبتحملي وبتربي الأجيال ولازم يكون عندك قدر من المسؤولية والوعي".
واختتمت حديثها: "هتربي بنتك إنها متطبخش لجوزها؟.. أومال نجيب مين يطبخله.. لكن لو مقتدر ويقدر يجيب حد يساعدنا في البيت يكون كتر ألف خيره".
اقرأ أيضًا.. قومي المرأة بسوهاج: «دور الست الطبخ والتنظيف وإرضاع أطفالها»
