عفاف مصطفى تعلن تعاقدها على مسلسل «رمضان كريم 2»
أعلنت الفنانة عفاف مصطفى، تعاقدها على الجزء الثاني من مسلسل "رمضان كريم" من خلال نشر صورة لها برفقة المنتج السبكي، على حسابها الشخصي، عبر موقع التواصل الاجتماعي فيس بوك.
وكتبت عفاف، على الصورة: "على بركة الله، لما تطبطب عليك الدنيا أحيانا، استقبال حافل لي من الحاج أحمد السبكي وقال لي ليه استعجلتي وكتبتي على صفحتك إنك مش معانا ومين الشخص أو الأشخاص الغلاويين اللي وصلولك معلومة خطأ طب كنتي سألتيني أنا مانتي بتتواصلي معايا".
وتابعت: "عرفت منه المسلسل أحداثه لم يتغير منها شيء وكما هي والأستاذ أحمد عبد الله عاكف على كتابة باقي الحلقات وكل الشخصيات زي ما هي، بفضل الله مضيت امبارح مسلسل رمضان كريم الجزء التاني وربنا يتم لنا على خير بإذنك يا رب".
وأضافت: "أنا من الآن فصاعدا مش هرمي ودني لحد وهجيب أي معلومة من مصدرها، بأمانة فرحانة ويا رب تكرم كل زملائي اللي في المهنة الشاقة يشتغلوا ويفرحوا ويرزق كل طالب رزق، بفضل دعواتكم ليه يا أصدقائي كانت من الله الاستجابة وجبر الخاطر، الحمد لله".
سبق وعبرت عفاف، عن حزنها من سماعها قرار استبعادها من هذا الجزء قائلة: "كنت حاطة أمل كبير أشترك في الجزء الثاني من مسلسل رمضان كريم، لكن محصلش، وأنا زعلانة ومحبطة، ليه كده يا حاج أحمد السبكي، ليه كده يا أستاذ أحمد عبد الله تغيروا القصة اللي الناس حبتها".
