التقارير

«الباكو مضروب بـ350 جنيه سليم».. صفحات تروج للعملات المزورة على فيس بوك

الإثنين، 31 أكتوبر 2022 01:35 مـ بتوقيت القاهرة

تداولت منشورات عبر مواقع التواصل الاجتماعي، لبيع نقود مزورة في أحد المجموعات المغلقة على منصة فيس بوك التي تضم ما يقرب من 65 ألف مشترك، إذ يقوم الأعضاء المتواجدين داخل المجموعة بتداول منشورات من شأنها بيع وترويج عملات نقدية مزورة.

صفحات لبيع الفلوس المزورة

"الألف بـ100 جنيه فلوس مزورة درجة أولى اللي عايز يكلمني خاص".. تلك عبارات انتشرت داخل جروب باسم "فلوس مزورة"، ما أثار حالة من الذهول بين رواد مواقع التواصل الاجتماعي، منهم ما واجهوه بالدعابة تارة والاستهجان تارة أخرى، بينما شهدت رواجا كبيرا وصل إلى آلاف المهتمين والمعلقين والتي لم يتبين مدى جديتها.

ونشر آخر عبر جروب بيع "فلوس مزورة"، كاتبا: "الشغل الجديد وصل فئة 50.100.200، متاح كميات كبيرة وعشان النصابين كتير هنصور الشغل بتاعنا باسم الصفحة والتاريخ واليوم وعشان الناس بتاخد الصور تنصب بيها فاحنا هنحط الإسامي عشان الدنيا تكون أمان أكتر وهنبيع الآلاف 300 جنيه شغل فرز أول مفهوش غلطة دون عربون وشغل النصب دا"

بينما كتب أحد المشاركين في الجروب "موجود فلوس كوبي فرز أول وفوق الأول كان أحبار ثابتة تعالى وشوف.. مبدأنا التمييز عشان تروح وترجع تاني كرمش الورقة لو عرفت تفرق ما بينها وبين الأصلية متخدهاش".

الوضع في منتهى الأهمية والخطورة

وعبر أحد رواد مواقع التواصل الاجتماعي، عن استيائه مما يحدث داخل المجموعة المغلقة للنقود المزورة، كاتبا: "الأمر في غاية الخطورة طيب.. عشان لما بالصدفة ألاقي جروب مشترك فيه أكتر من 65 ألف عضو، اسمه "فلوس مزورة" وناس بتطرح فلوس مزورة درجة أولى".

وتابع: "المشكلة أن في ناس كتير بتسأل على شغل مزور و بتشتري كميات كبيرة جدا .. ودا خطر على المجتمع يبقى ده معناه أن أكيد أنا وانتوا كلنا في فجيوبنا فلوس مزورة".

ونصح أحد المشاركين بالجروب المتابعين، كاتبا: "خدوا بالكوا في الأوراق المالية في تعاملاتكوا كويس جدا الفترة دي لأن في ناس كتير من الحوجة وقله الضمير هتلجأ للحل.. يا ريت تقللوا التعامل الورقي خالص التحويلات الرقمية أمان أكتر".