«مش مصدقة إن هشام سليم مات ومشتاقة ليوسف شاهين».. أبرز تصريحات يسرا
تحدثت الفنانة يسرا عن عمرها الفني في مجال التمثيل، وتأثرها الكبير بوفاة الفنان هشام سليم، وعن سبب رفضها لفيلم في هوليوود، وذلك خلال لقاء تليفزيوني لها.
وفي السطور التالية نرصد لكم أبرز تصريحات الفنانة يسرا.
- اللبس بيساعدك إنك تتقمص الشخصية، والسنة اللي فاتت اختارت أقدم كوميدي عشان كنت هموت وأعمل كوميدي.
- في فيلم شقو بقدم شخصية شريرة ومغيرة شكلي خالص في الفيلم.
- زمان اتعرض عليا فيلم في هوليوود، وساعتها رفضته بسبب إن السيناريو معجبنيش، وساعاتها كان معروض عليا أجر خيالي.
- مفيش حد كان متوقع إن هشام سليم هيموت، وكفنان هو مخدش حقه خالص ومستفدناش منه بالشكل الكافي.
- لما استلمت جايزة هشام سليم، وساعتها قولت لو كان حس بالحب ده كله يمكن كانت فرقت معاه.
- مشتاقة جدًا لـ وحيد حامد ويوسف شاهين وعادل إمام، وفي عظماء كتير راحوا.
- السوشيال ميديا مجمعتناش بالعكس دي فرقتنا، وهى بتخليك زى الإنسان الآلي.
- موت والدتي كسرني ولسه كسرني، هى اللي كانت سنداني، ولسه لحد دلوقتي مش قادرة أصدق إن هشام مات.
- عمري في الفن مش قليل أنا بقالي 45 سنة، ولسه حاسه إني معملتش أى حاجة ولسه عندي رسالة إنسانية للمجتمع وللناس.
- تاريخي هو اللي هيفضل بعد ما أموت، ونفسي أفضل زى ما أنا عندي رضا ونية صافية ومش عايزة أتغير.
اقرأ أيضا.. لأول مرة.. فريال يوسف تكشف سر انفصالها قبل الزفاف مباشرة.. فيديو
آخر أعمال الفنانة يسرا
يذكر أن آخر أعمال الفنانة يسرا مشاركتها في موسم رمضان الماضي 2022، بمسلسل "أحلام سعيدة" مع الفنانة شيماء سيف، غادة عادل، مى كساب، إنتصار، هشام إسماعيل، محمد أوتاكا، نور محمود، داليا شوقي، هشام عاشور، ميسرة، جيهان الشماشرجي، إسماعيل فرغلي، ومن إخراج عمرو عرفة، ومن تأليف هالة خليل.
يسرا في رمضان 2023
تُشارك الفنانة يسرا في موسم رمضان 2023، بمسلسل "حمد لله على السلامة" كاسم مبدئي، ويشاركها البطولة الفنانة شيماء سيف، محمد ثروت، مايان السيد، ومن إخراج عمرو صلاح، ومن المقرر أن تبدأ تصوير المسلسل خلال الفترة الماضية.
اقرأ أيضا.. قبل دقائق من المباراة.. إلهام شاهين: «فوز منتخب المغرب هيفرح العرب كلهم».. خاص
