كلمات أغنية نفس النهايات للمطرب فريد.. فيديو

طرح المغني الشاب فريد أحدث أغانيه والتي تحمل اسم "نفس النهايات"، وذلك عقب النجاح الكبير الذي حققه من خلال أغنية "بأمارة مين"، التي طرحها العام الماضي، وتخطت الـ 100 مليون مشاهدة، لتكون أغنية نفس النهايات هي أولى أعماله في العام الجديد.

أغنية نفس النهايات

جدير بالذكر أن أغنية نفس النهايات، للفنان فريد من كلمات أدهم معتز، ألحان تيام علي، توزيع تيام طارق وميكس وماستر جورج يعقوب.

كلمات أغنية نفس النهايات

نفس النهايات

عمالة تتعاد

ماضي بيتكرر قدامي وبيعيد نفسو

وكأن الجرح مفيش غيري اللي يحسو
نفس الموضوع

قلبي الموجوع

ولا حاجة اتعلق بيها غير لازم يفارقها

أحلام بتروح وسنين من عمري بتسرقها
وبلف دواير مقفولة

مين قال النسيان بسهولة

دة وجع و مرار

الحب نصيب لكن بُعدنا دة بيبقى قرار.

إحساس بالخنقة و الوحدة

بليل بعد اتناشر

واحدة أو قبل ما أنام

تفكير و جراح رافضة تمشّيني خطوة لقدام

أنا شوفت كتير

وبقول أهو خير

ماهو لو كان ليا نصيب فالحاجة كانت كِملت

انا راضي خلاص

ماهو كل محاولاتي اتعملت

يمكن قدام

متشالة أيام

على نفس هوايا و زي ما عشت أنا برسمها

ربنا ليه حكمة ف كل الحاجة اللي قاسمها.

اقرأ أيضًا..

احتجاز شيرين عبد الوهاب وحسام حبيب في لبنان بسبب فضل شاكر.. تطورات الأزمة كاملة

أغنية فريد بأمارة إيه

يشار إلى أن المطرب فريد كان قد حقق نجاحًا كبيرًا من خلال أغنية بأمارة مين، والتي تخطت حاجز الـ 100 مليون مشاهدة على المنصات المختلفة، وكانت الأغنية من من كلمات مصطفى ناصر، ألحان تيام علي، توزيع تيام طارق وميكس وماستر مهاب أسامة.