عارفة عبد الرسول ترد على انتقادات ارتدائها المايوه وتكشف عن عملها قبل التمثيل
تحدثت الفنانة عارفة عبد الرسول عن بداياتها في الوسط الفني، وأسرار من حياتها الشخصية والعملية قبل الفن والتمثيل، حيث عملت في البداية مع والدها في محل بقالة بمدينة الإسكندرية.
قالت عارفة عبد الرسول في لقائها التلفزيوني عبر شاشة قناة mbc مصر الفضائية، ببرنامج كلام الناس، إنها عملت بالعديد من المهن، وتحدثت عن الاختلاف بين فترة طفولتها وحاليًا.
تصريحات عارفة عبد الرسول
نرصد لكم في السطور التالية ملخص تصريحات عارفة عبد الرسول مع الإعلامية ياسمين عز ببرنامج كلام الناس.
- عملت في محل كوافير، وعملت مندوبة تأمين في شركة الشرق للتأمين أثناء دراستي في الجامعة.
- أكلت حاجب واحدة في الكوافير.
- كنت مع أصحابي واللي كان باين في صورتي بالمايوه كتفي، والناس قالولي يا ولية اتلمي واللي يقولي إنتي مش مكسوفة من نفسك، فيه ناس طلبت مني أحذف الصورة.
- أنا عندي كلمة واحدة ولو عملت حاجة غلط ممكن أعتذر عنها لكن مش ممكن أرجع في كلمتي أو موقفي.
-أنا من جيل لما المايوه كان يصغر عليَّ أبويا كان ينزل يشتري لي واحد.
عارفة عبد الرسول والمايوه
- لكل مقام مقال وكل مكان وله لبسه والبحر مايوه مش بلبسه في الشارع وأنا مش بفرض نفسي على حد.
-بقيت ألبس شورت في البحر عشان مش عايزة آذي الناس بشكلي، ونزلت صورتي بالمايوه وأنا فرحانة.
- الغيرة قاتلة طبيعي الست تحب كل الرجالة والراجل يحب كل الستات لكن كل اتنين بيختاروا بعض وخلاص.
- أما بشوف شاب حلو بقول لزوجي شايف الشاب ده جميل إزاي وهو لو شاف بنت جميلة بيقولي الله جميلة البنت دي وأنا أقوله معاك حق، وكنا صحاب قبل ما نتجوز.
- كنت بعمل جمعيات عشان أدفع مصاريف ودروس عيالي.
عارفة عبد الرسول برنامج كلام الناس
- مرات ابني وزوج بنتي بينهم مشاكل ووزعت فلوسي وأنا عايشة ومكنش قصدي أخالف الشرع.
-جوزي في الشغل بيناديني أستاذة عارفة، وأنا بنادي عليه يا أستاذ مصطفى.
-أنا وجوزي بنتعامل مع ستات ورجالة كتير وبنسلم ومبوس وعادي بس أعرف اللي تسلم وتبوس جوزي مجرد معجبة ولا ليها غرض تاني.
- نفسي البنات ترجع تلبس فساتين ولو لبستي فستان هيبين أنوثتك مهما كان سنك وشكلك وطبيعة جسمك.
اقرأ أيضًا: أصالة تعلق على تكريمها في حفل joy awards 2023 .. وهذا ما قالته عن زوجها
يشار إلى أن الفنانة عارفة عبد الرسول تشارك ضمن موسم دراما رمضان 2023 من خلال مسلسل بابا المجال، مع مصطفى شعبان، وسوسن بدر، وجومانا مراد، وباسم سمرة، وآخرين.
