بعد تصدره التريند.. حكاية رفض سامح حسين العمل مع عادل إمام
تصدر النجم سامح حسين، قائمة التريند على محرك البحث بجوجل، بسبب تصريحاته المثيرة خلال لقائه مع دكتور عمرو الليثي، ببرنامج "واحد من الناس".
أبرز تصريحات سامح حسين
ونستعرض لكم أبرز تصريحات سامح حسين، كما يلي:
* أستاذ عادل إمام، ده زعيم المهنة كلها وأي حد نفسه يشتغل معاه.
* رفضي إني اشتغل مع عادل إمام، مكنش بسبب مساحة الدور، لإني مبفكرش نهائي في مساحة أدوار أو البطولة.
* الفكرة في رفضي إني لما أروح اشتغل مع الزعيم أبقى حاسس أني مؤثر وأبقى مبسوط أني بشتغل معاه، وأنا ملقتش إني هبقى مؤثر ولا هبقى مبسوط.
* الدور اللي رفضته كان مسلسل "فلانتينو"، من تأليف أستاذ أيمن بهجت قمر وإخراج أستاذ رامي إمام، وهو الدور اللي قدمه الفنان حمدي الميرغني.
* لم أتواصل مع عادل إمام، وأكيد زعل مني وله حق طبعا، وأنا زعلت لإني كان نفسي أشتغل معاه ولو مشهد.
* لم أندم على هذا القرار، لأني مبندمش على أي شيء.
اقرأ أيضًا: ألفت عمر تكشف لـ «الطريق» دورها في مسلسل «سره الباتع»
* أصعب حاجة مرت في حياتي كانت وفاة والدتي، ثم وفاة أخويا.
* وفاة والدتي هو اللي هزني ووجع قلبي، قعدت 7 شهور بتمنى إني أموت، لأن هي رحلت وهي 49 سنة، بسبب إن كان عندها مرض السرطان.
* أمي قعدت 6 شهور بين المستشفيات، وأنا كنت قليل الحيلة لإن مكنش معانا فلوس وقتها، أفتكر أنها إمام كانت تحتاج نقل دم كنت أتبرع أنا أو أقول لأصحابي.
* الدكتور قالي أن والدتي هتموت في خلال أسبوعين، وعشت وقتها حالة ربنا ما يكتبها على حد.
* ثم رحل أخويا أحمد، وأنا اللي مربي أخواتي، ومن صغري بشتغل الحمدلله، كما إني من صغري والدتي ووالدتي إنفصلوا.
* احنا عشنا فترة صعبة جدا، بس كان عندنا عزة نفس، والدتي كانت بتروح لأقاربنا وتقولهم إننا بنربي فراخ في المنور، فكانوا بيدوها بقايا أكل للفراخ، لكن الحقيقة إحنا كنا الفراخ، وكنا بناكل بقايا الأكل، وعشان كده أنا بدأت أشتغل من صغري".
