«ضحيت بأمومتي عشان الفن».. أبرز تصريحات نبيلة عبيد في مهرجان أسوان
تحدثت الفنانة نبيلة عبيد عن مشوارها الفني وعن رأيها في صناعة الدراما وعلاقتها بالفنانة نادية الجندي، إلى جانب حديثها عن عدم مشاركتها في أعمال جديدة، وذلك بواسطة ندوة تكريمها في مهرجان أسوان الدولي لأفلام المرأة بدورته السابعة.
وفي التقرير التالي نرصد لكم أبرز تصريحات نبيلة عبيد في ندوة تكريمها.
- تصالحت مع نادية الجندي ومش مجرد غني حضنتها قدام الجمهور، لا بقينا بنسأل على بعض طول الوقت.
- إحسان عبد القدوس هو اللي رشحني للروايات، وكنت بسمع الكلام عشان أتعلم.
- مبسوطة بالخطوة اللي عملتها مع إحسان عبد القدوس، وقرأت أيام في الحلال والراقصة والسياسي.
- عمري ما بأخذ قرار مني لنفسي لازم أسمع للي قدامي وأتعلم.
- أنا لسه مبطلتش شغل، وليا رصيد كبير، لكن مبقوش يشوفوا الناس اللي زينا.
- كل الاتجاه بقا للأجيال الصغيرة، ومبقاش فيه دور ماما وقاعدين مبنعملش حاجة.
- حلمي رفلة هو صاحب الفضل عليا في بداياتي، وهو اللي عرض عليا المشاركة في رابعة العدوية مع أم كلثوم.
- كنت خايفة أترفض في رابعة العدوية من أم كلثوم.
- حلمي رفلة قالي هنعملك اختبار لو نجحتي تمام ولو منجحتيش هنعملك أدوار خفيفة ونجحت فعلًا.
- وأنا بعمل الاختبار حسيت الكلام جدًا وعيطت مع إني كنت لسة صغيرة.
- وحيد فريد المصور كان بيدعي إني أخد الدور، وجابولي أستاذ لغة عربية وكان ليهم الفضل عليا.
- أم كلثوم ساعتها سألت مين اللي هيعمل الدور وكنت خايفة الرفض يبقى منها.
- مكنش في دماغي فكرة الجواز والخلفة، وضحيت بأمومتي عشان الفن.
- لكن الجيل الحالي بيفكر في الخلفة والجواز، بس أنا كان معايا كتاب بيقدموا أفكار وعنصر المرأة كان لازم يكون موجود بقوة.
- الجيل الحالي بيتعرض عليه أعمال مناسبة ليهم، وهو مختلف تمامًا عن اتجاهي.
آخر أعمال الفنانة نبيلة عبيد
يشار إلى أن مسلسل "سكر زيادة" هو آخر أعمال الفنانة نبيلة عبيد، وشاركها البطولة الفنانة سميحة أيوب، هالة فاخر، نادية الجندي، إنجي علي، مصطفى أبو سريع، هنادي مهنا، أميرة هاني، طارق عبد العزيز، وغيرهم من الفنانين، والإخراج لـ وائل إحسان.
