«أول مرة أركب ملاهي كان في اللعبة».. أبرز تصريحات عارفة عبد الرسول مع عمرو الليثي

حلت الفنانة عارفة عبد الرسول ضيفة مع الإعلامي عمرو الليثي في برنامج "واحد من الناس" وتحدثت عن العديد من الأسرار حول حياتها الشخصية والأعمال التي شاركت بها.

ونرصد لكم أبرز تصريحات عارفة عبد الرسول خلال الحلقة في السطور التالية:

- والدي سماني عارفة على اسم جدتي ومكنتش بحبه بس اكتشفت انه حلو.

- والدي كان عنده محل بقال وكان بيوقفني مكانه ويروح السينما.

- معيشتش طفولتي وأول مرة أركب ملاهي كان في مسلسل اللعبة.

- كنت باخد مصروف 25 قرشًا في الأسبوع وكنت بحوشهم.

- لما بابا تعب اشتغلت في محل كوافير سنة من غير فلوس عشان نغير المحل بتاعنا.

- اشتغلت مع الفنان وحيد سيف في مسرحية بالإسكندرية.

- وحيد سيف قالي بضحكتك الحلوة دي اقعدي على شباك التذاكر.

- فكرة تقديم عملين في وقت واحد صعبة جدًا.

- كنت بخلص بابا المجال الفجر أسافر أصور الأجهر وأرجع تاني آخر النهار.

- لا تطفئ الشمس واللعبة والميزان أقرب الأعمال لقلبي.

- دوري في فيلم عيار ناري من أهم الأدوار وكريم الشناوي قدمني كبطلة.

- مخفتش من تجربة الإعلان وهى جت بالصدفة وسجلت الأغاني بصوتي وعجبتهم.

- كل ما زوجي ينكد عليا أقول الصبر من عندك يارب وأسكت لحد ما يهدى.

- دخلت كلية الفنون الجميلة بالصدفة، رحت قدمت مع صاحبتي هى سقطت وأنا نجحت.

- ردود الأفعال كانت صعبة على صورة المايوه ومتوقعتهاش وكنت فرحانة بالصورة.

- معرفش تاريخ ميلادي لأن بنت خالي كانت مديرة مدرسة ولعبت في شهادات الميلاد وقت دخول المدارس بس أنا مواليد 53.

- أنا مسرفة جدًا وجوزي اللي ماسك مصروف البيت وبيديني مصروفي.

- كنت عايزة أقدم مسلسل اللعبة بطريقة مختلفة، أعمل مطاردة بالعجل.

- نفسي أمثل قدام أحمد حلمي وأحمد مكي، وسيد حجاب قال عليا اختراع.

- مزعلتش من تأخر النجومية والسن موقفنيش عن تحقيق نفسي.

- شخصية كوثر في مسلسل بالطو نجحت لإنها شبهي جدًا.

اقرأ أيضًا: «مدرستش تمثيل ومنى زكي إنسانة جميلة».. أبرز تصريحات مها نصار مع إيمان الحصري