ياسمين صبري توجه رسالة للزعيم عادل إمام وزوجته: «يا زين ما ربيتوا»
وجهت الفنانة ياسمين صبري رسالة غير متوقعه للزعيم عادل إمام وزوجته في أثناء لقائها في برنامج ET بالعربي، بسبب تعاونها مع أولادهم الفنان محمد إمام في فيلم "أبو نسب" ومع شقيقه المخرج رامي إمام.
رسالة ياسمين صبري لعادل أمام وزوجته
وقالت ياسمين صبري خلال حوارها مع برنامج ET بالعربي: بوجه تحية لـ محمد إمام بعد مشاركته في 3 أفلام، وبستمتع في العمل معاه جدًا، وإحنا فاهمين بعض، أستاذ رامي أول مرة أشتغل معاه، وتشرفت بالعمل معه، وهو مخرج حساس ودمه خفيف، وبيحس بالممثل وبتعبه وبطاريته لو قلت.
وأضافت: عايزة أوجه تحية غير متوقعة لوالدة محمد ورامي إمام الأستاذة هالة يا زين ما ربت، والأستاذ عادل إمام يا زين ما اختار، ومقابلتش الزعيم ولا مرة، لكن كلمته في التليفون مرة، وبتمنى له طول العمر، وأنا في اللوكيشن معاهم بحس إني وسط عائلتي، وهما جمال و لطاف أوي، وخبرة و دمهم خفيف جدًا.
انتقاد ياسمين صبري بسبب تقليدها لجورجينا
علقت الفنانة ياسمين صبري مؤخرا على سبب تشبيها وتقليدها للعارضه چورچينا زوجه كريستيانو رونالدو وقالت: في 2015 كنت ابتديت أتشهر ساعتها شبهوني بـ كيم كارداشيان، لأن كيم كانت هي اللي في الصورة، دلوقتي هما نقلوا لا هي بتقلد چورچينا، أنا نفس الست بس هما غيروا أنا بقلد مين، ومش مشكلة اللي يقول يقول واللي يعمل يعمل المشكلة مش من عندي المشكلة في اللي بيعلق و بينتقد، وعلى الأقل مش بينتقد حاجة تهيني، يعني لما مبيكونش فيه حاجة تتقال هو ده اللي بيتقال.
اقرأ أيضاً:
