لهذا السبب.. طارق الشناوي يعلن مقاضاته لـ مصطفى قمر: «مش هتنازل حتى لو اعتذر»
كشف الناقد الفني طارق الشناوي عن مقاضاته للفنان مصطفى قمر، بشأن أزمتهما الأخيرة، بسبب انتقاد "الشناوي" لفيلم أولاد حريم كريم، مشيرا إلى أنه من أسوء الأفلام المعروضة خلال موسم صيف 2023، مؤكدا على أن مصطفى قمر في أكثر مراحل فشله.
طارق الشناوي يقاضي مصطفى قمر بتهمة السب والقذف
وقال الناقد طارق الشناوي خلال لقائه ببرنامج er بالعربي: "دا سب وقذف علني ومش أنا اللي هاخد الإجراء دا.. نقابة الصحفيين، ولأنها جزء من المنظومة التي تحافظ على حرية التعبير، وأنا بقول للصحافة والإعلام بلاش يقولوا ردا على هجوم، لأني أنا ما هاجمتش أنا انتقدت الفيلم.. فاتشتمت وعشان كده هاخد حقي بالقانون".
وأردف طارق الشناوي: "هو شتم والتعبيرات دي تدينه قدام القانون، وأنا مش هتنازل عن حقي، وحتى لو اعتذر، لأن ده سب وقذف علني ويؤدي للسجن وهفضل ورا القانون، وأنه لازم يعاقب على حالة الانفلات اللي هو بيعشها، لأن مهما كانت حالة الهزيمة اللي بيعشها، دا لا يبرر له مهاجمتي، وأنا كل اللي قلته يقع تحت سقف حرية النقد".
وتابع الناقد طارق الشناوي: "إزاي هو يحكم إني ما شفتش الفيلم، هو معايا 24 ساعة.. وأرد عليه وأقول هل شاف إني ما شفتش الفيلم، ولو قلت رأي إيجابي هيتقال أني شفت الفيلم".
تفاصيل فيلم أولاد حريم كريم
وشارك في بطولة فيلم أولاد حريم كريم كل من الفنانين: بشرى، مصطفى قمر، بسمة، عمرو عبد الجليل، علا غانم، خالد سرحان، داليا البحيري، وتيام مصطفى قمر، رنا رئيس، ويوسف عمر، كريم كريم، والفيلم من تأليف زينب عزيز، ومن إخراج علي إدريس.
اقرأ أيضا.. مصطفى قمر يكشف كواليس تصوير فيلم أولاد حريم كريم
