لقاء سويدان عن أزمتها مع ميدو عادل: «البرامج بتهاجمني عشان برفض أرد».. هل تقصد بسمة وهبة؟
كشفت الفنانة لقاء سويدان عن تعرضها للسب والهجوم بسبب أزمتها مع ميدو عادل أثناء كواليس آخر ليلة عرض من مسرحية سيد دوريش، من قبل اللجان الإلكترونية، إلى جانب رفضها إجراء مداخلة هاتفية بأحد البرامج، وفوجئت بعد ذلك بانتقاد هذا البرنامج لها.
قالت لقاء سويدان عن أزمتها مع ميدو عادل في لايف من خلال صفحتها على "انستجرام": "مش عايزة أطلع أرد، رغم أني بتهاجم في كل البرامج، بيتصلوا بيا يقولولي ردي ولما ارفض أتشتم، حتى لو في خلاف بيني وبين أى زميل، مش هطلع أشتمه في برنامج لإن دي مش أخلاقي، بيشتموني في البرامج بس عادي فيه ناس كتير أهم وأكبر مني اتشتموا، الموضوع دلوقتي مع جهات التحقيق".
أزمة لقاء سويدان وميدو عادل
وأضافت لقاء سويدان: "أنا مقدمة شكوى في ميدو عادل من شهر أغسطس اللي فات، مش لإن فيه تجاوزات في حقي لا ده فيه كتير، أنا كبيرة وعندي 49 سنة واشتغلت مع سعاد حسني وأحمد زكي رغم سني لكن مبسوطة وربنا مديني الصحة والشكل المناسب مع سني، إنكم تخوضوا في عرضي ده مش أخلاق، وأسهل حاجة إن الواحد يجيب لجان إلكترونية ترد وتهاجم، مبيفرقش معايا الناس المزيفة، مش بيفرق معايا غير الجمهور".
بسمة وهبة تهاجم لقاء سويدان بسبب ميدو عادل
كانت الإعلامية بسمة وهبة هاجمت الفنانة لقاء سويدان في برنامجها بسبب صفعها للفنان ميدو عادل، وقالت: "الموضوع مقزز قوي، وجديد إن فنانة تضرب فنان بالقلم أو ست تضرب راجل بالقلم وبقول لميدو عادل إنت ساكت ليه، وبقول للقاء التصرف دا لا يليق بأنثى ولا بفنانة".
اقرأ أيضًا: ميدو عادل يكشف السر الحقيقي لخلافه مع لقاء سويدان: «كنت هاكلها علقة موت»
