مايان السيد: «مشهد الكوارع انتهى بالمحاليل».. وعنبه: «تخنت من أكل يسرا في المسلسل»

كشفت الفنانة مايان السيد ومطرب المهرجانات عنبه عن كواليس مسلسلهما الأخير "1000 حمد لله على السلامة"، خاصة مشهد أكل الكوارع والعزومات التي كانت تحضرها يسرا لهم خلال التصوير، وأشادوا باهتمامها بهم وبفريق العمل بالكامل.

قالت مايان السيد: "كنا بنستنى عزومة يسرا في التصوير لإن الأكل بيبقى حلو قووي وخاصة صنية القرع بالبشاميل، وبعد مشهد الأكل في بيت عنبه تعبت، هى المفروض كانت راجعة من كندا وبعيده على الأكل المصري وهما عملوا كوارع وممبار، ساعتها قولت للمخرج عمرو صلاح إني أكل بجد بدل ما أقعد اقول أنا قرفانة".

مايان السيد وعنبه

وأضافت مايان خلال لقاءها مع الإعلامية إسعاد يونس في بنامج صاحبة السعادة: "كلت بجد في المشهد ده، تعبت قوي تاني يوم وعلقت محاليل ولغوا التصوير بسببي، ودي كانت غلطتي للأسف لإني بقالي كتير مكلتش الأكلة دي".

وأضاف عنبه: "أنا أكتر واحد كلت في المسلسل ده وتخنت من عزومات يسرا، أول مرة سألتني عايز تاكل إيه قولتلها حاجتين بس، ماشاء الله تاني يوم لقيت وليمة وكل اللي في الاستوديو كلوا، ولما سافرنا نصور في رأس البر جابت لنا فطير وعسل".

اقرأ أيضًا: مايان السيد في صدمة بعد تعرضها للعنف في «1000 حمد الله ع السلامة»