«ملحقتش أشبع من أبويا وفقدت صوتي بسبب أخويا الكبير».. أبرز تصريحات أحمد حلمي

حل الفنان أحمد حلمي ضيفًا في برنامج "ABtalks" مع الإعلامي أنس بوخش، وكشف حلمي خلال الحلقة عن العديد من الأسرار حول حياته الشخصية والمهنية، إلى جانب حديثه عن علاقته بوالده الراحل وزوجته منى زكي.

أبرز تصريحات أحمد حلمي

- كنت بحب كل الشغلانات اللي اشتغلتها وعمري ما حلمت يكون معايا فلوس.

- الحمد لله ربنا اداني فلوس بس مش هى بس المهمة في الحياة.

- الزواج حياة أخرى، والزوجين لازم يوصلوا للغة تالتة بينهم عشان يعرفوا يكملوا.

- أنا ومنى قصتنا مجنونة وعندما صدق كبير في وسط مجتمع مجامل.

- زى ما الراجل سند الست كمان سند.. ومنى سند بجد وهى البلورة اللي عايش فيها وبشوف نفسي منها.

- مينفعش لما مراتك يكون عندها مشكلة في الشغل تلبس قبعة الحكيم وتنصحها.

- هى في الوقت ده محتاجة انك تسمعها وتطبطب عليها بس.

- الراجل لو عنده مشكلة سبيه يدخل الكهف بتاعه شوية وهييجي يحكيلك.

- ملحقتش أشبع من أبويا وهو ليه فضل كبير في صفاتي.

تصريحات أحمد حلمي

- أهلي مربوناش هما سابوا الجينات هى اللي تاخد مجراها.

- زمان كنت بهرب من الخروجات يا إما مش معايا فلوس ولو معايا هروح ومش هعرف أقرأ المنيو لإنه بالإنجليزي فبهرب.

- لما عملت برنامج الأطفال ساعتها حسيت إني بعرف أعمل حاجة.

- اللي مش مميز في حاجة معينة لازم يكون عنده رضا.

- المتنمر دايمًا هو الأضعف.. والإنسان ربنا خلقه عشان يعمل حاجة ويكون مفيد.

- بشوف نفسي أب كويس إلى حد ما، وعلاقتي بالأولاد كويسة.

- حبيت خالة واحد صاحبي وأنا عندي 6 سنين وكنت بفكر إزاى أقوله.

- أخويا مرة حدف عليا مسحوق غسيل وفقد صوتي بعدها لفترة.

- قضيت طفولتي كلها في السعودية وكنت بستني الأجازة اللي هننزل فيها القاهرة.

- الفلوس اللي عملناها في السفر أبويا ضيعها في شركات توظيف الأموال بس كان عنده رضا.

اقرأ أيضًا: أحمد حلمي يكشف سر استمرار زواجه من منى زكي لأكثر من 20 عام.. (فيديو)