”ممكن يفيد البلد”.. لقاء الخميسي تعلق على منع حسن شاكوش من الغناء

أعربت الفنانة لقاء الخميسي، عن استيائها الشديد بعد قرار نقيب المهن الموسيقية بعدم التعامل مع مطربي المهرجانات نهائيًا وعدم إعطائهم تصريح بالغناء.

ونشرت لقاء الخميسي عبر حسابها الخاص بموقع "إنستجرام " صورة لحسن شاكوش وعلقت عليها: "أول مرة أتكلم وأقول رأيى المتواضع فى أى حاجة بتحصل.. الدنيا قايمة على موضوع شاكوش والأغنية والحفلة اللي في الاستاد وعيد الحب".

وتابعت لقاء: "أنا مش مع وقف مغنى خد تصريح قبل كدا من الرقابة وبيقدم لون شعبي وليه جمهور عريض.. بالعكس أنا مع احتضانه والاتفاق معاه بإنه يختار كلمات الأغنية بعناية طالما أنا عندي يقين إنه ممكن يفيد البلد في تقويم الجمهور.. قصدي نلعبها بصياعة ويبقى بيقدم فنه بس بكلام متنقي وشعبي وسهل برده".

وأضافت "اتنين بقى.. الاستاد دا مكان مهم جدا.. حرم كروي إذن أي حفله بتتقدم فيه لازم تبقى على قدر وضعه لأنه كمان الحفلة بتتعرض على الهوا.. وأنا مش شايفة من رأيى إن الحفلة أساسًا مكانها الاستاد بس إذا افترضنا إن مافيش غيره .. يبقى لازم ننتقى المغنيين والفنانين بقى .. حفلة معروضه ع الهوا لشعب كامل يبقى أنا اللي اختار واجهة للعالم وللشعب".

اقرأ أيضًا: تعرف على تفاصيل ألبوم إليسا الجديد وموعد طرحه (فيديو)

واختتمت كلامها: "مغني مصري ناجح في بلده وناجح عالميًا مش مغني مهرجانات لأنه دا لون من ألوان الغنا لكنه مش واجهة الفن المصري الأصيل اللي اترسمله شخصية من سنين السنين ..فكرة الاختيار والتوقيت والمكان.. هو دا الصح.. لكن تمنع مغنى ليه جمهور يغني أنا مش شايفة أن دا حل.. الحل هو الاحتضان وأنه يتوجه صح طالما ليه جمهور عريض وممكن نستفيد منه.