”شيء مخيف وصعب التفكير فيه”.. وائل عبدالعزيز يشعل معركته مع شقيقته ياسمين مجددا
أثار الفنان وائل عبد العزيز شقيق الفنانة ياسمين عبد العزيز الجدل من جديد، بعدما نشر رسالة غامضة عبر صفحته الرسمية بموقع "فيس بوك"، والتي رجح البعض أنه يقصد بها شقيقته وعلاقتها بالفنان أحمد العوضي.
وكتب وائل عبد العزيز "في ناس اتخلقت واتخلق ليهم الحب ودوّل نسبة قليلة وقد تكون اندثرت في ظل كل مغريات الحياة، وفي ناس تانية "بتدور" على الناس اللي تحبها بالطريقة اللي هما يستهلوها الحب ده شيء مخيف".
وأضاف: "الحب بيوصل الناس للغيرة والشك وأغلب الوقت للقتل، الناس بتفضل تدور على الحب عشان تعيش فيه للحظات قبل ما تنقلب العلاقة للأسوأ، وهما الشوية دول بس، اللحظات الأولي في اَي علاقه اللي بتفضل عايش عليهم أيام كتير بعد انتهائها، الإنسان يفضل يحب بكل ما يملك اللي قدّامه عشان يجي في يوم ويخونه أو يزهق منه أو ينجذب لشخص آخر أو العلاقة نفسها توصل لفقدان الإحساس إلي بيقود للملل".
وتابع وائل عبد العزيز: "الحب فعلا شيء مخيف صعب فهمه ولو كان سهل كانو ال ٧ مليار بني آدم على وجه الأرض زمانهم مرتاحين، نهاية اَي علاقة ما بين شخصين هي مأساة هيعشها أربع أشخاص لإن كل شخص هيدور ينسى اللي معاه بشخص آخر، وهنا أصبح المجتمع مرضي نفسيين من تعدد العلاقات والكل مازال بيدور على شيء مخيف سبب في دمار معظم البشرية اسمه الحب".
واستكمل: تفتكر ليه الناس بتحب تعيش الإحساس ده علي الرغم أنه وقته قصير جدا والوقت الأغلب أحاسيس أخرى بتفرض نفسها على العلاقة زي الخوف والقلق والشك والغيره عدم الثقة وغيره وغيره كتير".
واستطرد متسائلا: "طيب هل الحياة بدونه أجمل !! هل لو عيشت حياتك بتحب حاجات تانية زي شغلك رياضاتك أو الفلوس مثلا ويبقي ده الهدف من الحياة .. هل ده أحسن !!.. أظن بردو لا لإن هيجي اليوم اللي قلبك يدوق وساعتها هتبقي بردو بداية النهاية زي كل القصص والمسلسلات والأفلام الاي في العالم كله".
اقرأ أيضًا: على غرار لينا الفيشاوي.. كنزي عمرو دياب تثير الجدل بإطلالة جريئة (صورة)
وأنهى وائل عبدالعزيز كلامه: "شيء صعب مجرد التفكير بالشكل ده، بس للأسف هي دي الحقيقه وزي ما يكون الحب وكل أحاسيسه هديه من ربنا للبشرية وبيحاربه فيها شيطان رچيم ليفتك بالإنسانية، يا ترى الدور على مين".
يُذكر أن وائل عبد العزيز أثار جدلا كبيرا خلال الفترة الماضية، بعدما هاجم شقيقته ياسمين عبد العزيز بسبب علاقتها بالفنان أحمد العوضي، وهو الأمر الذي أثار غضب نجوم الفن والجمهور وهاجموه بشدة عما بدر منه في حق شقيقته والذي وصفه البعض بالفضيحة.
