محكمة الأسرة اليوم2020| زوجة للقاضي: بيخليني أطبخ كوارع بالعافية
"بيخلينى أطبخ ممبار وكوارع بالعافية.. وفرق التعليم والطبقات بينا واضح"، بتلك الكلمات بررت رجاء، 30 سنة، مصممة ديكور، سبب دعواها القضائية، أمام محكمة الأسرة بمصر الجديدة، والتى طالبت فيها بخلع زوجها.
وقالت رجاء أمام محكمة الأسرة بمصر الجديدة: " اتجوزت من (س.م) 34 سنة، صاحب محلات آدوات صحية، بيتعامل معايا ومع أهلي بأسلوب غير لائق، ومش بيلتزم بالعادات والتقاليد، بالإضافة إنه بيتعامل من غير تفكير مع الناس".
وتابعت الزوجة في دعواها رقم ٢٩٣١ لسنة ٢٠١٩ أمام محكمة الأسرة بمصر الجديدة: " من يوم جوازنا وأنا مش حاسة بأي مشاعر ارتباط بينا، جوزي ميسور الحال، لكني اقتنعت فعلا إن فرق التعليم بيعمل فراغ كبير فى العلاقات، والإحساس ده حسيته من أول يوم جواز، وساعتها عرفت إن جوازنا مش هيستمر".
وتابعت الزوجة أما محكمة الأسرة بمصر الجديدة: "بيتكلم معايا بأسلوب غير لائق، وبيتغير قدام أهله وأهله، وأنا كنت كويسة لحد الآخر وعمري ما اشتكيت ولا عرفت أهلي، وفوق كل ده بيطلب مني أعمل أكل عمري ماعملته بس عشان أتجنب الخناق معاه كنت بعمله كل يوم، لحد ماطلب مني كوراع وممبار، وهو عارف كويس إني مش بحب الأكل ده، بس أجبرني وخلاني أعمله بالعافية".
واستطردت الزوجة أمام محكمة الأسرة بمصر الجديدة: " مبقتش متحملة أعيش حياتي معاه، طلبت الطلاق وهو رفض، وبعدها عرفت أسرتي إني مش قادرة استمر، عشان مفيش بينا مشاعر، ومكنش قدامى أى حل غير محكمة الأسرة".
