أحمد فلوكس: ”طلقت هنا لإني صعيدي وصعب جدا.. ولسة بحبها” (فيديو)

تصدر الفنان أحمد فلوكس، مؤشر البحث "جوجل" بعد ساعات من حلوله ضيفًا في برنامج "شيخ الحارة والجريئة"، والذي تقدمه المخرجة إيناس الدغيدي، بعدما كشف عن تفاصيل طلاق زوجته الفنانة هنا شيحة، وغيرها من الأسرار.

وكتب "فلوكس"، عبر حسابه في موقع التواصل الاجتماعي "فيسبوك"، عن علاقته بسيدة كانت معه في المدرسة، قائلًا: "سيدة جميلة جدا كانت معايا في المدرسة، وأنا بحب دايما أهزر مع الجمهور على السوشيال ميديا علشان كدة كتبت المنشور ده، هي تستاهل الواحد يحوشلها كتير وتستهاهل مليون جنيه مهر".

وأضاف، "لكن الرجالة محتاجة فلوس كتير علشان يتجوزوا.. لأن الراجل بيعمل كل حاجة"، مضيفًا، "وجملة (بنشترى راجل) لو اتقالتي همشي وأسيبها لأنها جملة صعبة جدا، أي ست في الكون خاصة لما تكوم كويسة الراجل يبسعى جاهدا إنه يعيشها في حياة كريمة على قد إمكانيته".

وعن سبب طلاق زوجته الفنانة هنا شيحة قال، "ماكنتش عاوز أطلق هنا شيحة لأن هنا جميلة جدا ومن الناس اللي قابلتهم مايتعوضوش، كانت بتحبني جدا، وست بمليون راجل، ولكن أنا كرجل صعب، صعيدي أوي وعنيد، أنا من المنيا حتى لو ماروحتش الصعيدة وكنت عصبى جدا.. وهنا مايتفرطش فيها بسهولة بس هى اللى طلبت، وطبيعى اللى هتطلبه هنا هعملهولها حتى لو كان ايه ".

اقرأ أيضًا: عاجل| أبطال ”الاختيار” ينعون شهداء الوطن ضحايا هجوم بئر العبد

وأكد أحمد فلوكس، خلال لقائه في برنامج شيخ الحارة والجريئة مع الإعلامية إيناس الدغيدي، أنه مازل يحب هنا شيحة حتى الآن، مختتمًا: "أنا لسة بحبها، هو في فنان مش بعيش بالحب".